Сайёр қабул ўтказилди
26 март куни Ургут туманидаги “Ургут иқтисодиёт коллежи” биносида Ургут туман аҳолиси билан Самарқанд вилояти ҳокими Э.Турдимовнинг сайёр қабули ўтказилди. Савол, мулоҳаза ва таклифларга бой ўтган учрашувда вилоят мутасадди идоралар ходимлари, маҳалла фуқаролар йиғинлари раислари, оммавий ахборот воситалари вакиллари ҳамда Ўзбекистон мусулмонлари идораси Самарқанд вилоят вакили З.Эшонқулов иштирок этди.
Имконияти чекланган шахслар зиёрат қилдилар
Самарқанд вилоятида эшитиш ва гапириш қобилияти чекланган инсонлар билан диний-маърифий суҳбатлар узвий давом этиб келмоқда. Уларга Ислом динининг инсонпарвар ғоялари ҳақида кенг тушунчалар бериш билан бир қаторда уларнинг ижтимоий ва иқтисодий муаммоларига ҳам қулоқ тутиб, имкон қадар кўмак беришга ҳаракат қилинмоқда. Ҳафта мобайнида бир неча бор Самарқанд шаҳридаги “Хўжа Исҳоқ Валий” жоме масжиди имом хатиби Ё. Мансуров томонидан шу каби суҳбатлар ўтказилади. 25 март куни ана шундай суҳбатдан сўнг эшитиш ва гапириш қобилияти чеклан 110 нафар фуқароларга жоме масжид ҳамда “Вақф” хайрия жамоат фондининг Самарқанд вилоят филали ҳамкорликда Имом Бухорий мажмуасига саёҳат ташкил қилди. Саёҳатчилар дастлаб муҳаддислар султони Имом Бухорийнинг қабрларини зиёрат қилиб, у зотнинг ҳақларига тиловат ва дуо қилинди. Имом Бухорийнинг ҳаёти ва илмий фаолияти ҳақида сўзлаб берилди. Шундан сўнг, Имом ал-Бухорий халқаро илмий-тадқиқот маркази ҳамда Ҳадис илми мактабида бўлиб, бу ерда амалга оширилган кенг кўламли бунёдкорлик ва ободонлаштриш ишлари билан яқиндан танишдилар. Ушбу саёҳат уларнинг ҳаётида илк бор бўлаётганидан ҳамда ўзларига қаратилган эътибордан мамнун бўлиб, зиёрат уларнинг хотираларида ўчмас таъсуротлар қолдирганлигини изҳор қилдилар.
Эҳсон қилувчилар учун катта мукофот бордир
Муҳтож инсонларга меҳр-мурувват кўрсатиш, уларнинг ҳолидан хабар олиш ҳам фарз, ҳам қарз амаллардандир. “Вақф” хайрия жамоат фонди Самарқанд вилоят филиали раҳбари Азиз Султонов ҳамда филиал тасарруфидаги “Мурод Авлиё” масжид зиёратгоҳи томонидан шаҳардаги Афросиёб, Янгиравот МФЙларда истиқомат қилувчи имконияти чекланган шахслар, кам таъминланган оилалар ҳолидан хабар олиниб, уларга озиқ овқат маҳсулотлари ва пул маблағлари эҳсон қилинди.
ЎЗБЕКИСТОН БЎЙЛАБ САЁҲАТ ҚИЛ
Ушбу шиор остидаги дастур асосида Ўзбекистон мусулмонлари иодараси Самарқанд вилоят вакиллиги ташаббуси билан Шаҳрисабз туманига 24 март куни саёҳат уюштирилди. Самарқанд вилоят бош имом хатиби Зайниддин домла Эшонқулов бошчилигида вилоятдаги шаҳар ва туман бош имом хатиблари ҳамда фахрий устоз имомлар саёҳатда қатнашдилар.
Хайрли ва савобли ишда мусобақалашайлик
“Вақф” хайрия жамоат фондининг жойлардаги филиаллари томонидан жамоатчилик ҳамда эътиборга муҳтож кишиларга саховатпеша инсонларни жалб этган ҳолда ёрдам бериб келмоқда. Фонднинг Самарқанд вилоят филиали ҳамда Самарқанд шаҳар “Шоҳи Зинда” жоме масжиди ходимлари ва "Мурод Авлиё" масжид зиёратгоҳ раҳбари Хусенов Фахриддинлар томонидан бир қанча хайрли ишлар амалга оширилди. Жумладан, Самарқанд шаҳар “Имом Восе” маҳалла аҳолисига умумхалқ “Наврўз” байрами муносабати билан бир бош қўй берилди. Самарқанд шаҳар "Найман" МФЙ да истиқомат қилувчи беш нафар ногиронларга ҳамда "Хончорбоғ" МФЙ да яшовчи беш нафар кам таъминланган оилаларга ҳаммаси бўлиб 800 000 (саккиз юз минг) сўмлик озиқ-овқат ва эҳсон тарқатилди.
Рўзғор акциясининг келажак режалари
“Вақф“ хайрия жамоат фонди “Рўзғор“ акциясининг келажакдаги режалари:
Кўмакка муҳтож инсонлар Фонд фаолиятидан мамнунлар
Инсонларнинг дардини эшитиш, мушкулини осон қилиш азалдан халқимизда эъзозланган юксак инсоний фазилатлардан.
РЎЗҒОР акцияси
“Вақф” хайрия жамоат фонди бир қанча лойиҳаларни амалга оширишни ўз олдига режа қилиб қўйган. Ана шундай лойиҳалардан бири “Рўзғор” акцияси. Лойиҳага кўра аҳолининг ёрдамга муҳтож ногиронлар, ёлғиз кексалар, боқувчисини йўқотган фуқаролар ҳамда кам таъминланган оилаларни топиб, уларнинг рўзғорларидаги камчиликларига доимий равишда ёрдам кўрсатишни ташкиллаштириш белгиланди.
Садақа Аллоҳ таолонинг қўлига тушади
Ибн Умар розияллоҳу анҳудан ривоят қилинади:
“Расулуллоҳ соллаллоҳу алайҳи васаллам:
Самарқандлик зиёратчилар жўнаб кетди
Аллоҳ таолога беадад ҳамду санолар бўлсин, Юртимизда умра ибодатига кенг йўл очилиб, Байтуллоҳни тавоф қилувчилар сони кундан-кунга ортиб бормоқда. Умра ибодатининг ўзига хос бир қанча фазилатлари бор. Ўшалардан бири гуноҳларнинг ўчирилишидир.
Вақф хайрия жамоат фондининг фаолияти
Ўзбекистон Республикаси Президентининг 2018 йил 16 апрелдаги “Диний-маърифий соҳа фаолиятини тубдан такомиллаштириш чора-тадбирлари тўғрисида” ги ПФ-5416-сон Фармони бўйича “Вақф” хайрия жамоат фонди ташкил этилди. “Вақф” хайрия жамоат фонди 2018 йил 10 май куни Адлия вазирлиги томонидан давлат рўйхатидан ўтказилиб, ўз фаолиятни бошлади. Фонд Тошкент шаҳрининг қуйидаги манзилда жойлашган: 100002, Тошкент шаҳар, Олмазор тумани, Қорасарой кўчаси, 47-уй. (Алоқа телефонлари: +998 78 150-64-36, Электрон почта: vaqfuzbekistan@gmail.com). Шу билан бирга Фонднинг филиаллари Қорақалпоғистон Республикаси ва Республикамизнинг барча вилоятларида ўз фаолиятини олиб бормоқда. “Вақф” хайрия жамоат фондининг фаолияти ҳақида кенг маълумотга эга бўлиш учун унинг vaqf.uz сайти ва vaqf.uz телеграм мессенжири йўлга қўйилган. Банк орқали маблағларнинг тўғридан-тўғри йўналтирилишини ушбу сайт орқали кузатиб бориш мумкин. “Вақф” фонди хайр-эҳсонларни ўз эгаларига етказишда очиқлик ва шаффофликни кафолатлайди.
"Вақф" фонди раҳбари Хожа Аҳрор Валий зиёратгоҳида амалга оширилган ишлар билан танишди
Бугунги кунда Давлатимиз раҳбари топшириғига биноан "Вақф" хайрия жамоат фондига ўтказилган юртимиздаги юзлаб зиёратгоҳ ва қадамжолар обод қилинмоқда. Ушбу масканларни ривожлантириш, уларнинг фаолиятини тўғри йўлга қўйиш мақсадида ҳар бирининг фаолияти билан яқиндан танишиб чиқиш йўлга қўйилди.
Қабристонларда ҳашар бўлмоқда
Ўзбекистон мусулмонлари идораси раиси, муфтий Усмонхон Алимов бошчилигида шу йилнинг 13 феврал куни Зомин туманида вилоят бош имом хатиблари ҳамда масъул вакиллар иштирокида сайёр йиғилиш ўтказилган эди. Йиғилишдан сўнг қатнашчиларга Зомин туманидаги қабристонга зиёрат уюштирилиб, у жойдаги қабрларнинг жойлашиш ҳолати ва кўринишини намуна қилиб олиш тавсия қилинди. Шундан келиб чиқиб, вилоят вакили шаҳар ва туман бош имом хатиблари билан бир неча марта йиғилиб, қабрларни ҳашаматли қилмаслик, устига бино ва тош ўрнатмаслик, аксинча қабр устини сомонли лой билан сувоқ қилиб қўйиш шариъатимиз ва анъаналаримизга мос эканлигини аниқ далил ва мисоллар билан халқ орасида ва жума мавъизларида тушунтиришга келишиб олдилар. Жума тезисига ҳам шу мазмундаги илова қўшимча қилинди. Вилоят бош имом хатиби З.Эшонқуловнинг қабрларни шариъатимиз талабаларига мос равишда бўлишига қаратилган видео мурожаати тайёрланиб, шаҳар ва туман бош имом хатибларига тақдим қилинди ҳамда вилоят телевиденияси орқали намоиш этилди. ЎМИ Самарқанд вилояти вакиллиги ташаббуси билан 2019 йил 2-3 март кунлари вилоятдаги жами 1441 та қабристондан 819 тасида ҳашар ўтказилди. Унда 27236 нафар фуқаролар иштирок этди. Ҳашар жараёнида кўчатлар ўтқазилиб, тозалаш ва ободонлаштириш ишлари амалга оширилди. Жумладан: 2290 дона манзарали дарахт кўчатлари экилди. 13450 метр ариқлар тозаланди. 91,5 тонна чиқиндилар олиб ташланди. 7900 туп дарахтлар оқланиб, уларга шакл берилди. 73 та техника жалб этилди. 560 та қабрлар сомонли сувоқ қилинди. Ҳомийларни жалб қилган ҳолда 32 000 000 сўм пул маблағи йўлаклар таъмири, манзарали кўчатлар экиш каби ишларга сарф қилинди.
Вақф мулки ва оби-ҳаёт акцияси
“Вақф” хайрия жамоат фонди келиб тушган маблағларни ҳар бир йўналиш бўйича тақсимотини амалга оширган ҳолда ҳудудларда бир қанча лойиҳаларни амалга оширишни ўз олдига мақсад қилган. Шундай лойиҳалардан бири “Оби ҳаёт” лойиҳасидир. Ушбу лойиҳадан кўзланган мақсад аҳолини тоза ичимлик сувига бўлган эҳтиёжини қондириш бўлиб, уни амалга ошириш учун фонд томонидан “Вақф мулки ва оби-ҳаёт акцияси” ўтказилиб келмоқда. Хабарингиз бор, яқинда Сурхондарё вилоятидаги бир нечта маҳалла аҳолисига “Вақф” хайрия жамоат фонди томонидан тоза ичимлик суви тармоғини ўтказиш ишлари якунига етказлиди.
Хайрия фондининг хайрия ишлари
Аҳолининг ижтимоий ҳимояга муҳтож қатламларини моддий ва маънавий қўллаб-қувватлаш “Вақф” хайрия жамоат фондининг мақсад ва вазифаларидан биридир. Фонднинг Самарқанд вилояти филиали Самарқанд шаҳридаги “Хўжа абду Дарун” жоме масжиди билан ҳамкорликда ана шундай муҳтож оилалардан бирига кўмак қўлини чўзди. Самарқанд шаҳрида даволанаётган Қашқадарё вилояти, Шаҳрисабз тумани, Пиллакаш қишлоғида яшовчи 2015 йилда туғилган Қудратов Ясурбекни даволаниши учун 1300000 сўм пул ҳамда озиқ-овқат эҳсон қилинди.
