Ибн Умар розияллоҳу анҳудан ривоят қилинади:
“Расулуллоҳ соллаллоҳу алайҳи васаллам:

“Мўмин банда битта хурмо донасини ёки шунча келадиган пок нарсани садақа қилади. Аллоҳ покдан бошқа нарсани қабул қилмайди. Бас, у Аллоҳ Табарока ва Таолонинг қўлига тушади. Бас, У зот уни бирингиз тойчоғини ўстирганидек, катта адирдек бўлгунича тарбия қилади”, дедилар”.

Самарқанд вилояти Нуробод тумани Оқсой МФЙ Оқсой қишлоғида яшовчи 3 нафар кам таъминланган оилага “Вақф” хайрия жамоат фонди Самарқанд вилоят филиали томонидан озиқ-овқат маҳсулотлари хайр қилиниб, уларнинг қалбига сурур киришига сабаб бўлди. Сиз ҳам шу каби савобли ишларни қилиб, хайрли амалларингизни ўсишига ҳаракат қилинг.

ЎМИ Самарқанд вилояти вакиллиги