Сахий кишининг таоми шифодир
Рўза буюк ибодат ва мўмин учун мислсиз имкониятдир. У кишида сабр, саховат, ирода, тўғрисўзлик, тартиб, нафсни жиловлаш, шафқат, ўзгалар дарди билан яшаш каби яхши хулқларни тарбиялайди. Бу улуғ ибодатнинг исломнинг беш рукнидан бири қилиниши ҳам бежиз эмас. Зеро, рўза ўз соҳибида мисли кўрилмаган хислат ва фазилатларни шакллантиради. Жумладан, муҳтожларга кўмак беришни ҳам.
Фитначининг асл юзи очилди!
27 май куни ижтимоий тармоқларда “Вақф” фонди ҳақида асоссиз гаплар тарқалди. Фонд ҳақида турли гап-сўзлар айтила бошланди. Нима эмиш, вақф мулклари сифатида ўтказиб берилган хонадонларда Фонд раҳбари яшаётгани иддао қилинган.
Боланинг бегонаси бўлмайди
Мамлакатимизда ҳар бир бола ҳеч кимдан кам бўлмай таълим-тарбия олиши учун кенг шароитлар яратилган. Ҳар қандай миллатнинг равнақи, умумбашарият тарихида тутган ўрни, мавқеи ва шуҳрати бевосита фарзандларининг ақлий ва жисмоний етуклигига боғлиқ. Ҳеч ким она қорнидан ёмон хулқли, жиноятчи бўлиб туғилмайди. Қачон бола эътиборсиз ташлаб қўйилса, ёмонлик ичида ўсса, бадбахтликка юз тутади ва ҳалок бўлади. Бунда гуноҳ юки шу кўйга солганларнинг, ота-онанинг ва жамиятнинг зиммасига юкланади.
Хўжа Нисбатдор жоме масжиди томонидан эҳсон тарқатилди
Ибн Умар розияллоҳу анҳудан ривоят қилинади: “Набий соллаллоҳу алайҳи васаллам: “Мусулмон мусулмоннинг биродаридир. У унга зулм ҳам қилмайди ва ташлаб ҳам қўймайди. Ким ўз биродарининг ҳожатини чиқарса, Аллоҳ унинг ҳожатини чиқаради. Ким бир мусулмонни ғамдан фориғ қилса, Аллоҳ ундан қиёмат кунининг ғамларидан бир ғамни фориғ қилади. Ким мусулмоннинг айбини беркитса, Аллоҳ қиёмат куни унинг айбини беркитади”, дедилар”.
Лоҳутий жоме масжиди имом хатиби болажонларни саётҳга таклиф қилди
Бугун, 24 май куни Самарқанд шаҳар “Лоҳутий” жоме масжиди имом хатиби саховатпеша инсонлар билан биргаликда Самарқанд шаҳридаги 1-сон Меҳрибонлик уйи тарбияланувчиларидан бир гуруҳини шаҳар бўйлаб саёҳатга олиб чиқди. Улар шаҳримизнинг кўзга кўринган масканлари ва зиёратгоҳларига ташриф буюрдилар. Улкан таъсурот ва қувонч билан ортга қайтаётган болажонларга ёз мавсумида кийиладиган кийим кечаклар харид қилиниб, совға қилинди. Саёҳат якунида уларнинг ҳақларига дуои хайрлар қилган масжид имом хатиби Ўткиржон Ўмирқулов, "Биз сизни ҳеч қачон унутмаймиз, сиз билан ҳамиша биргамиз. Сиз ҳам Ватан учун керак эканингизни ҳеч ҳам унутманг", дея хайирлашди.
Нохушликларни ислом шиорларига боғлаш-гуноҳ!
Сўнгги вақтларда Интернет тармоқларида айрим нохушликларни ислом шиорларига боғлаш – “имом ундай бўлди”, “масжид бундай бўлди” дейиш ҳолатлари учраётгани ижобий ҳодиса эмас. Аввалроқ “Деновда ҳамшаҳрига марихуана берган масжид ноиби қўлга олинди”, “Уйи томсиз қолган имомга ёрдам берайлик”, “Даҳшатли алангадан мўъжиза туфайли омон қолган имом зудлик билан операция қилиниши зарур” каби мақолалар эълон қилинган эди. Булардан мақсад нима? Шундай нохолис йўл орқали омманинг эътиборини жалб қилиш ё нашр рейтингини оширишми?
Отинойилар ҳам саховат тадбирлари ўтказишмоқда
Самарқанд вилоятида фаолият олиб бораётган отинойилар Муборак Рамазон ойи ҳамда яқинлашиб келаётган 1 июн Халқаро болаларни ҳимоя қилиш куни муносабати билан Самарқанд шаҳридаги 1-сон болалар Меҳрибонлик уйига ташриф буюрдилар. Ташриф асносида болажонларни байрам билан муборакбод этиб, улардан ўттиз икки нафарига жами 2 850 000 сўм қийматга эга кийим-кечак ва ўқув қуроллари совға қилдилар.
Вақф фондларининг қўшма тадбири ўтказилди
Жорий йил 23 май куни “Вақф” хайрия жамоат фонди Самарқанд вилоят филиали ҳамда Туркия давлатининг Истанбул шаҳрида фаолият олиб бораётган “Азиз Маҳмуд Худойи Вақфи" ташкилоти томонидан кам таъминланган оилалар ва Вилоят Ногиронлар жамиятининг аъзоларига Рамазон ойи муносабати билан хайрия тадбири ўтказилди. Тадбирда жами эллик нафар кам таъминланган ва ногиронлар жамияти аъзоларига озиқ овқат маҳсулотлари тарқатилди.
Оила марказида учрашув ўтказилди
Самарқанд вилояти имом хатиблари вилоят “Оила” илмий-амалий тадқиқот маркази билан ҳамкорликни йўлга қўйган. Ўзаро келишув ва режа асосида янги оила қуриш остонасида турган ёшлар билан учрашувлар ўтказиб, уларга никоҳ, оиланинг муқаддаслиги, унинг жамиятдаги ўрни, эр-хотин ва қайнона-келин ўртасидаги муносабатлар, фарзанд тарбиясида ота-онанинг масъулияти каби мавзуларда тушунчалар бериб келмоқда.
Рамазон-бу имкониятлар ойи
Инсон қадри ҳар нарсадан улуғ. Кишиларни эзгулик, ҳар қачонгидан кўра кўпроқ савоб ишларни амалга оширишга даъват этувчи муқаддас ойни муносиб ўтказиш мақсадида вилоят имом хатиблари жойларда турли хил хайрия тадбирлари ўтказиб, эҳтиёжманд инсонларга моддий ва маънавий ёрдамлар кўрсатиб келмоқда.
Яна бир хайрли тадбир ўтказилди
Ўзбек халқи азалдан эҳтиёжманд оилалар, боқувчисини йўқотган болаларнинг бошини силаб, уларга бағридан жой бергани тарихдан маълум. Уруш йиллари фронт майдонларидан кўчириб келтирилган қарийб 1 миллион киши юртимиздан қўним топди. Уларнинг 200 минги болалар бўлиб, ўзбек оилалари қучоқ очиб уларни ўз тарбиясига олди.
Хайрия ишлари давом этмоқда
Самарқанд шаҳар “Дамариқ” жоме масжиди имом-хатиби Кимёгарлар қўрғонида жойлашган 61-сонли ихтисослаштирилган мактаб-интернат мактабга ташриф буюрди. “Вақф” хайрия жамоат фонди Самарқанд вилояти филиали ва ҳомийлар кўмагида мактаб тарбияланувчилари учун озиқ-овқат маҳсулотлари эҳсон қилинди. Махсус мактабда ташкил этилган тадбирда имом-хатиб Абдуманнонов Нурсултонхон сўзга чиқиб, илм ва унинг фазилатлари ҳақида гапириб, юртимиз азал-азалдан дунёга устоз бўлган уламолари билан машҳур бўлгани, ёшларимиз ҳам улуғ аждодларига муносиб ворис бўлишга ҳаракат қилиши лозимлигини таъкидлади.
Амалларнинг яхшиси...
Каттақўрғон шаҳрида ҳозирги кунда бешта жоме масжид фаолият кўрсатмоқда. Уларда хизмат қилаётган имом хатиб ва бошқа ходимлар аҳоли турмуш тарзини ўрганиш, эҳтиёжмандларга ёрдам кўрсатиш, беморлар ҳолидан хабар олиш каби хайрли ишларда ҳам фаол иштирок этиб келмоқда. Каттақўрғон шаҳар бош имом хатиби Хайрулло Дўсмуродов бошчилигида имом хатиблар “Вақф” хайрия жамоат фондининг Самарқанд вилоят филиали ҳамда бошқа сахий кишилар кўмаги билан Муборак рамазон ойида қатор хайрли ишларни амалга оширди. 25 дан ошиқ хонадонга ташриф буюрилди. Улар орасида беморлар, кексалар, боқувчисини йўқотган ва ногиронлар мавжуд. Уларнинг ҳар бирига хайр-эҳсон қилинди. Эҳтиёжмандларга кўрсатилган моддий ёрдамлар олти миллион сўмдан ошди. “Бу каби ишлар давомли бўлади, зеро Расулуллоҳ соллаллоҳу алайҳи васаллам муборак ҳадисларида: “Амалларнинг яхшиси, гарчи оз бўлса ҳам, давомлисидир” (Бухорий, Муслим ривояти), – деганлар” дейди шаҳар бош имом хатиби Х.Дўсмуродов.
Қуръони карим хатмлари бўлиб ўтмоқда
Хабарингиз бор бу йил Муборак Рамазон ойи давомида Самарқанд вилояти бўйича жами 115 та масжидларда Хатми Қуръон ўтказилиши режалаштирилган. Шундан ушбу ойнинг биринчи ва иккинчи ўн беш кунлигида ўтказилиши белгилан масжидлар рўйхати шакллантирилган бўлиб, улар режа асосида ўз ишларини давом эттирмоқда. 19 май тунда таровеҳ намозининг 15-си ўқилди. Биринчи ўн беш кунликка мўлжалланган 45 та масжидларда шу куни Хатми Қуръонлар ўз ниҳоясига етди. Хатми Қуръонларда иштирок этган намозхонлар Қуръони карим хатмидан сўнг қилинадиган дуоларнинг ижобатидан умид қилган ҳолда, ибодатларни қабул бўлиши, тинчлик-офият, файзу барка ва хатоларни мағфират этилишини сўраб дуои хайрлар қилдилар
Имом Бухорий мажмуасида илк меҳмонхона қурилиши бошланди
Юртимизнинг кўҳна меъморий ва тарихий обидалари жаҳон ҳамжамиятида катта қизиқиш уйғотмоқда. Айниқса, кейинги йилларда туризмни ривожлантириш борасида амалга оширилаётган ишлар туфайли хорижий сайёҳлар сафи тобора кенгаймоқда. Имом Бухорий мажмуасининг қайта таъмирланиши, кенгайтирилиши, обод қилиниши юртимизнинг туризм салоҳиятини тобора юксалтиради. Имом Бухорий мажмуаси атрофида зиёратчилар учун замонавий, барча талабга жавоб бера оладиган инфратузилма яратиш мақсадида бош режа ишлаб чиқилган бўлиб, бу бош режага кўра, мажмуа яқинида қарийб бир километрлик хиёбон яратилади, хиёбон бўйлаб 26 та меҳмонхона бунёд этилади. Ана шу ишларнинг дастлабкисига бугун биринчи тамал тоши қўйилди. Имом Бухорий мажмуаси ёнида дунёга машҳур Индонезия мамлакатининг “SAHID HOTELS & RESORTS” компанияси маҳаллий тадбиркорлар билан ҳамкорликда беш юлдузли меҳмохона қуришни бошладилар. Ушбу бинонинг пойдеворини қўйиш маросимида Самарқанд вилоят ҳокимлиги, хорижлик инвесторлар, маҳаллий тадбиркорлар ва Самарқанд вилоят бош имом хатиби Зайниддин домла Эшонқулов иштирок этди.
