ДИНИЙ КОНФЕССИЯЛАР РАҲБАРЛАРИ МУСУЛМОНЛАРНИ РАМАЗОН ҲАЙИТИ БИЛАН ТАБРИКЛАДИ
Мамлакатимиз ҳудудида мусулмонлар билан бирга яна 16 та дин ва конфессияларга эътиқод қиладиган 130 дан ортиқ миллат ва элатлар яшайди. Ўзбекистон халқи қадимдан бағрикенг халқ бўлгани сабаб қадимда ҳам бугунги кунда ҳам бошқа дин ва конфессия вакиллари билан тинч тотув яшаб келмоқда. Ислом дини таълимотида ҳам ўзга дин вакилларига нисбатан бағрикенглик тамойиллари ўрин олган. Оиша онамиз розияллоҳу анҳодан ривоят қилинадики, Пайғамбар алайҳис-салом рафиқул аълога интиқол қилганларида, яъни вафот қилишларидан олдин бир яҳудийга ўз совутларини гаровга бериб, ундан 30 соъ арпа сотиб олган эканлар. Оиша онамиз розияллоҳу анҳо мана шу воқеани у зотнинг бағрикенглик борасида ўз умматларига кўрсатган энг катта таълимлари, деганлар.
ОТИНОЙИЛАРНИНГ БИЛИМ САВИЯЛАРИ ВА ФАОЛИЯТЛАРИ САМАРАДОРЛИГИ ОШИРИЛМОҚДА
Ўзбекистон мусулмонлари идораси Самарқанд вилояти вакиллигининг тадбирлар режасига мувофиқ 6-13 июн кунлари Самарқанд ва Каттақўрғон шаҳарлари, Жомбой, Иштихон, Пайаприқ, Пастдарғом, Самарқанд, Тайлоқ ва Ургут туманларида Отинойиларнинг билим савиясини юксалтириш, дунёқарашини кенгайтириш ҳамда жамоат ишларидаги фаоллигини янада оширишга қаратилган қисқа муддатли ҳудудий ўқув-семинар машғулотларини ташкил этиш белгиланган.
Вилоят ҳокими Эркинжон Турдимов Имом Бухорий масжидида вилоят аҳлини Ийд Рамазон билан табриклади
Ассалому алайкум муҳтарам жамоа, азизлар бугун муқаддас ислом оламининг байрами, Ийд Рамазон бутун мамлакатимиз бўйлаб кенг нишонланмоқда.
ХЎЖА ИСҲОҚ ВАЛИЙ ЖОМЕ МАСЖИДИ ТОМОНИДАН БАЙРАМ СОВҒАЛАРИ ТАРҚАТИЛДИ
Муборак Рамазони шариф ойи ва Рамазон ҳайити байрами муносабати билан Самарқанд шаҳар “Хўжа Исҳоқ Валий” жоме масжиди имом хатиби Ёқубжон Мансуров ҳамда масжид жамоаси эҳсонпарвар кишилар кўмагида байрам совғалари улашди. Ўзбекистон Республикаси Президентининг “Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида”ги Фармони қабул қилинган эди. Шу муносабат билан ҳаракат-таянч аъзоларида нуқсони бор, нутқ, эшитиш ва кўриш имконияти чекланган инсонлар билан диний маърифий учрашувлар ташкил этиб келинмоқда. Улар билан ўтказилган мулоқотлар давомида сўнгги йилларда эшитиш ва сўзлашишда нуқсони бор фуқаролар орасида миссионерлик ҳолатлари кузатилаётгани, мазкур шахслар ислом динининг соф таълимотлари билан танишишга катта эҳтиёж сезаётгани маълум бўлмоқда.
РАМАЗОН ҲАЙИТИ МУБОРАК БЎЛСИН!
Бошимиз узра раҳмат соябони, ойларнинг султони, эзгулик ва хайр мавсуми, тоату ибодат фасли, саховату дуо, таровеҳу хатми Қуръон ойи бўлмиш муборак моҳи Рамазон ойи ниҳоялаб, меҳр-оқибат, эзгулик ва саховат айёми – муборак Рамазон ҳайити яқинлашиб келмоқда.
ҲАЖ ВА УМРА ТАДБИРЛАРИНИ ТАШКИЛ ЭТИЛИШИ ВА ЎТКАЗИЛИШИ ТАРТИБИ ТЎҒРИСИДА
Вазирлар Маҳкамасининг 2017 йил 7 июндаги 364-сон Қарори билан “Ҳаж” ва “Умра” тадбирларини ташкил этиш ва ўтказиш тартиби тўғрисидаги низом тасдиқланган эди. Унга кўра, “Ҳаж” тадбири Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита ва Саудия Арабистони Подшоҳлиги Ҳаж вазирлиги ўртасида ҳар йили имзоланадиган шартнома асосида амалга оширилади. “Умра” тадбири эса Ўзбекистон мусулмонлари идораси ва унинг Саудия Арабистонидаги ҳамкор ташкилоти ўртасида ҳар йили имзоланадиган шартномага мувофиқ амалга оширилади.
РАМАЗОН ТУҲФАЛАРИ УЛАШИЛДИ
Ҳадя (совға) улашишга Пайғамбаримиз соллаллоҳу алайҳи васаллам тарғиб қилганлар. Шунинг учун ҳар бир мусулмон киши ушбу тарғиб қилинган амални адо этишга имкон қадар ҳаракат қилиши фазилатли иш ҳисобланади.
ВАҚФ ХАЙРИЯ ЖАМОАТ ФОНДИ ҲАЙИТ БАЙРАМИ МУНОСАБАТИ БИЛАН НОГИРОНЛИК АРАВАЧАСИ ҲАДЯ ҚИЛДИ
“Вақф” хайрия жамоат фонди ва Самарқанд шаҳар “Шоҳи Зинда” жоме масжиди ҳамкорликда Рамазон ҳайити кунлари жисмоний имконияти чекланган шахсларга ҳайит байрами муносабати билан моддий ёрдам кўрсатдилар. Жумладан, Жомбой тумани, Ўроқли МФЙда яшовчи Каримқулов Рўзимурод, Тайлоқ туман, Найман МФЙда яшовчи Зиёев Ҳусенжон ва Самарқанд Ветеренария ва медицина институти талабаси Сафарова Баҳораларга 3 дона 5 400 000 сўмлик ногиронлик аравачалари эҳсон қилди.
Қадр кечаси таровати
31 май куни Рамазоннинг 26-кечасидан 27-кечасига ўтар кечаси бутун дунё мусулмонлари “Лайлатул қадр” кечасини кутиб олди. Бу кеча Рамазоннинг охирги ўн кунлигидаги тоқ кечаларидандир. Саҳиҳ ҳадис билан Расулуллоҳ солаллоҳу алайҳи васаллам: “Қадр кечасини Рамазоннинг охирги ўн кунлиги тоқ кунларидан изланглар”, дея марҳамат қилганлар. Шу билан бирга кўпчилик уламолар наздида Лайлатул Қадр кечаси Рамазоннинг 26-кунидан 27-кунига ўтар кечасидир. Самарқанд вилоятидаги жоме масжидларда ҳам бу кечадаги таровеҳ намозлари завқ билан ўтди. Масжид имом-хатибиларининг таклифларига биноан кўплаб уламолар, имом-хатиблар масжидларнинг жамоатини улуғ байрамлар билан табриклагани ташриф буюрдилар. Бу улуғ кечанинг фазли, даражотлари ҳақида зарур мавъизалар қилдилар. Айниқса, Ўзбекистон мусулмонлари иодораси раисининг ўринбосари шайх Абдулазиз Мансурнинг Имом Бухорий жомесига ташрифи ушбу кечага ўзгача файз бахш этди.
САВОБИ КЎП АМАЛЛАР
“Вақф” хайрия жамоат фонди ўз олдига бир неча йўналишда хайрия ишларни амалга оширишни режалаштирган. Аҳолининг ижтимоий ҳимояга муҳтож қатламлари, шу жумладан, имконияти чекланган шахсларни моддий ва маънавий қўллаб-қувватлаш каби бир қатор ишлар ҳам фонднинг ўз олдига қўйган мақсадларидан биридир. Хайрия фондининг вакиллари сифатида жойларда фаолият олиб бораётган имом хатиблар “Рўзғор”, “Эҳтиёжмандларга кўмак”, “Обод хонадон” акцияси доирасида аҳолининг кам таъминланган, эҳтиёжманд, боқувчисини йўқотган, ёлғиз кекса ва ногиронларга ҳомийларни жалб этган ҳолда саховат тадбирлари ўтказиб келмоқда. Жумладан, Пахтачи туман имом хатиблари туман бош имом хатиби Исроил Амириллаев бошчилигида бир қанча хайрия тадбирларини амалга оширдилар. Туман бўйича Рамазон ойи давомида 120 дан зиёд хонадонга 15 000 000 сўм миқдорда моддий ёрдам ва эҳсонлар тарқатилди. Имом хатибларимиз бу каби ишларда Рамазон ойи билан чекланиб қолмайдилар.
156 нафар ватандошимиз Яқин Шарқдаги қуролли можаролар ҳудудидан юртимизга қайтарилди
Давлатимиз томонидан муборак Рамазон ойида яна бир хайрли, улкан аҳамиятга эга “Меҳр” инсонпарварлик операцияси амалга оширилди, деб ёзмоқда Президент матбуот хизмати.
РАМАЗОН ОЙИДАГИ НАФАҚА ХУДДИ АЛЛОҲ ЙЎЛИДА ИНФОҚ ҚИЛГАН КАБИДИР
Расулуллоҳ соллаллоҳу алайҳи васаллам ўта саховатли, инфоқ қилувчи, олийжаноб, очиққўл ҳамда кўп садақа берувчи, хушфеъл, ёрдам сўраб келганларга ёрдамлари-ю кўмакларини аямайдиган киши эдилар.
Покистонлик генерал Имом Бухорий мажмуасини зиёрат қилди
Покистон Ислом Республикасининг генерал Содиқ Али бошчилигидаги делегацияси бугун – 30 май куни Самарқандга ташриф буюрди.
ХАЙР-ЭҲСОН ҚИЛГАН КИМСАНИНГ ҲАҚҚИГА ФАРИШТАЛАР ДУО ҚИЛАДИ
Мурувват, аҳиллик ва ҳамжиҳатликни улуғловчи ушбу фазилатли ойда эҳтиёжманд ва ёрдамга муҳтож оилаларни ҳар томонлама қўллаб-қувватлаш, маҳаллаларда меҳр-оқибат ва ўзаро ҳурмат муҳитини мустаҳкамлашга алоҳида аҳамият берилади. Эҳтиёжманд оилалар ҳолидан хабар олиб, озгина бўлсада уларга моддий ёрдам кўрсатиб, меҳр улашилса, уларнинг кўнгли тоғдек кўтарилади. Хайр-эҳсон қилишнинг эса фазилати улуғ, савоби кўп ва бу дунёда барака келтиради. У ҳақида Қуръони карим оятлари ҳамда Расулуллоҳ соллаллоҳу алайҳи васалламнинг муборак ҳадисларида кўплаб таърифлар келтирилган. Ҳадиси шарифда шундай дейилади:
Жаннатга ҳисоб-китобсиз кирувчилар
Рамазон ойи бошланибдики вилоятимизда фаолият олиб бораётган барча имом хатибларнинг хайр-эҳсон, саховат ишларида яна ҳам ғайрати ошган. Зеро Аллоҳ таоло муборак каломида “Яхшилик билан мусобақа қилиб ўтиб кетувчилар, бас, ана ўшалар жаннатга ҳисобсиз кирурлар”(“Фотир” сураси, 32-оят), дея марҳамат қилган. Демак ҳар бир мўмин киши бу муборак ойни шарофатидан умид қилиб, кўпроқ яхши солиҳ амалларни қилишга ошиқмоқлиги зарур бўлади. Яхши ният ва мукаммал ижроси ила қандай амални бажарса, уни савобига эга бўлаверади.
