Onalar xizmati-jamiyat saodati
Har bir inson dunyoga kelibdiki uning o‘nib o‘sishi, ilmli-tarbiyali bo‘lib voyaga yetishi uchun muhtaram volidalarimizning xizmatlari beqiyosdir. Har bir kamolatga yetgan shaxs ortida onalar mehnati yotadi. Shuning uchun ham dini mo‘binimiz onalarni ko‘proq e'zozlashga, qadirlashga buyuradi. Janobi Nabiyimiz s.a.v “Jannat onalar oyog‘i ostidadir” deb marhamat qilganlar. Bir sahobiy-“Kimga yaxshilik qilay”- deb 3 marta so‘radilar. Har safar- “Onangga”- dedilar va 4-marta so‘raganlarida-“Otangga”- deb javob berdilar Nabiy s.a.v.
«Agar ogohsan sen – shoxsan sen. Agar shoxsan sen – ogohsan sen!» Ibrohimjon domla Inomov
QADRLI va TABARRUK HOJIBOBO va HOJIONALAR!
MUHTARAM HOJIAKALAR!
AZIZ va QIMMATLI MEHRIBEPOYON OTALAR!
HURMATLI va MUNIS MEHRIDARYO ONALAR!
Bugungi yurtimizni tinchligida SIZLARNING ham xizmatlaringiz BEQIYOS KATTA!
SIZLARNING o‘z oilangiz tarbiyasidagi mashaqqatli va sharafli, og‘ir va savobli, sermahsul va olijanob faoliyatlaringiz har qanday tahsinu mukofotlarga loyiq va munosib!!!
Rostgo‘ylikning fazilatlari
Rostgo‘ylik – ezgu xulqlarning posboni bo‘lib, o‘zini haqiqiy mo‘min-musulmon hisoblagan inson hech qachon yolg‘on so‘zlamaydi va hech kimni aldamaydi. Negaki, Islom dinining muqaddas manbai hisoblangan Qur'oni Karimning aksariyat oyatlari va Payg‘ambarimiz Muhammad sollallohu alayhi vasallamning juda ko‘plab hadisi shariflarida rostgo‘ylikka targ‘ib qilinadi, yolg‘ondan qaytariladi. Alloh taolo yolg‘on gapiradigan ya'niy rostgo‘y bo‘la olmaydiganlar haqida shunday bayon qiladi: “Yolg‘onni faqat Allohning oyatlariga iymon keltirmaydiganlargina to‘qirlar. Ana o‘shalar o‘zlari yolg‘onchilardir”, (Nahl surasi, 105-oyat).
BIR OYAT SHARHI (Zumar surasi 9-oyat)
قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُولُو الْأَلْبَابِ
«Biladiganlar bilan bilmaydiganlar teng boʼlarmidi?!» – deb ayt. Albatta, aql egalarigina eslarlar. (Zumar surasi 9-oyat)
Malumki, insoniyat dunyo va oxirati obod bo‘lishi, ilm olishligi va unga amal qilishligi bilan bog‘liqdir. Alloh Taolo bir qancha oyatlarida ilmga targ‘ib qiladi va yana Payg‘ambarimiz solollohu va alayhi vassalam ham o‘z hadislarida ilm olishlikka targ‘ib qilganlar. Odam alayhissalomga farishtalarning sajda (ta'zim) qilishi ham aynan ilm sababidandir. Alloh Taolo o‘zining oyati karimasida ilmli kishini ilmsiz kishidan ustunligini takidlab shunday deydi: “Ayting: “Biladiganlar bilan bilmaydiganlar teng bo‘lurmi?!” Darhaqiqat, faqat aql egalarigina yeslatma olurlar” (Zumar surasi 9-oyat) deb marhamat qilgan.
Yaxshilik-jannat kaliti
Dini pokimiz insonlarning o‘zaro mehr-oqibatli bo‘lishi, xar qanday holatda bir-birlariga yaxshiliklar qilishga buyuradi. Albatta, insonlar dunyo xayotida Alloh taolo qazoi-qadari ila har xil hayot kechiradi. Chunki dunyo hayoti sinovlardan iborat; birov faqir yashaydi, birov dard-bemorlikdan qiynaladi, yana kimdir zulmga uchragan va hakoza. Ana shunday og‘ir damlarda mo‘min kishi mashaqqatga uchragan birodariga yordam qilmog‘i, dardiga malham bo‘lishi zarur hisoblanadi.
DINIMIZDA SHUMLANISHDAN QAYTARILGAN
Abu Hurayraroziyallohu anhu rivoyatqiladilar. Rasululloh sollallohu alayhivasallam: «Kasalllik yuqmaydi (hech bir kasallik Allohning irodasisiz o‘zicha yuqmaydi), irim-sirim bema'nilik, boyqush baxtsizlik keltirmaydi va safar (oyi) bexosiyat emas», dedilar.
Mo‘min kishi Islomni haq din deb e'tiqod qilar ekan, keladigan har qanday zarar ham, foyda ham Allohdan deb bilmog‘i lozim.
Daraxt ekish savobli amal- A.Hasanov
Alloma Movardiy aytadilarki: “Insonning tirikchiligi uch narsaga bog‘langan bo‘ladi: dehqonchilik, tijorat va hunarmandchilik. Mening nazdimda dehqonchilik eng pokizasi va eng afzalidir”, deganlar. Haqiqatdan ham dehqonchilik eng ulug‘, eng sharafli va eng afzal ishdir. Zero dehqon o‘zi o‘ylabgina qolmasdan, xalqini ham o‘ylaydi. U mehnat qilib, ekin ekib, ko‘chat o‘tqazib, uni o‘sishi uchun tinmay mehnat qiladi. Mevasini olib o‘zi ham foyda ko‘rish bilan birga, bozorlarimiz meva va sabzavotlar bilan to‘lib toshishiga sabab bo‘ladi. Dehqonning mehnatining samarasidan butun xalq bahramand bo‘ladi.
Ilm olayotgan kishi...
Ilm olayotgan kishining holini mashaqqatli saboqlar yo‘lini bosib o‘tgan kishi yaxshi tushunadi. Ilmda fazilat ko‘pdir. Bilganlar bilmaganlar bilan hech qachon teng bo‘lmaydi. Ularning gap-so‘zida, fikr mulohazasida farqlar yaqqol seziladi. Odamlar omi odamdan emas, olimdan savol so‘rashadi. Olim bilgan narsasini bilmadim desa, yolg‘on gapi uchun gunohga botadi. Bilmagan narsasini “bilmayman” deya tan olishligi esa komillik alomatidir. Chiranish, mahmadonalik qilish olimning martabasiga putur yetkazadi. Shunday ekan har bir ilm oluvchi kishi, olayotgan ilmining niyatini to‘g‘ri qilmog‘i lozimdir.
Mehnat qilish - halol rizq garovi
Muhtaram prezidentimiz rahbarligida mamlakatimizda aholining munosib turmush kechirishi uchun kerakli shart-sharoitlar har bir fuqoroning ezgu intilishlarini, imkoniyatlarini ruyobga chiqarish uchun qulayliklar yaratish xalq farovonligini taminlashlik ustuvor yo‘nalishlaridan biridir.
Daraxtdan meva olmoqchi bo‘lsangiz shoxini, insondan marhamat kutayotgan bo‘lsangiz qalbini sindirmang..!
Alloh azza va jalla Ahzob surasi 58-oyatida aytadi: «Mo‘min va mo‘minalarga biron gunoh qilmaslaridan ozor beradigan kimsalar ham bo‘hton va ochiq gunohni o‘z ustlariga olibdilar».
Chiroyli uslub bilan xatoni tuzating, uni hammaga yoyib, o‘sha odamni sharmanda qilib, qalbini sindirmang.
Imom Hasan va Imom Husayn roziyallohu anhumo keksa kishining noto‘g‘ri tahorat qilayotganini ko‘rib qolishdi va uning qalbiga ozor bermaslik uchun «Bizni kuzatib, qay birimiz tahoratni chiroyli qila olmasligimizni aniqlab bersangiz» deb, o‘sha kishining ko‘z o‘ngida ikkovlari tahorat ola boshladilar. Ularning tahorat qilishlarini kuzatib turgan boyagi odam kulgan holda «Orangizda men tahoratni yaxshilab qilmas ekanman» deya o‘z xatosini tushunib yetdi.
