Mo‘minning mukofot oladigan kuni
Alloh taologa beadad hamdu sanolar bo‘lsinki Ramazon ro‘zasini tugatib, evaziga katta mukofatlar olish arafasida turibmiz. Bu mukofot albatta ro‘zadorlarga Yaratgan Zot tamonidan hayit kuni beriladigan, miqdori O‘zigagina ayon bo‘lgan ulkan mukofotdir. Shuning uchun ham hayit bayramini a’lo kayfiyat va ko‘tarinki ruh bilan o‘tkazish lozim. Hayit kuni duolar ijobat bo‘ladigan, gunohlar kechiriladigan muborak kundir. Bu kunda o‘qiladigan namoz vojib hisoblanadi. Namozgohga borish uchun har bir namozxon uyidan taomlanib chiqishi, misvak va g‘usl qilishi, xushbo‘y atir sepishi, eng yaxshi kiyimlarini kiyishi va namoz vaqtigacha fitr sadaqasini berishi sunnat amallardan hisoblanadi. Bomdod namozidan to hayit namozigacha nafl namozlar o‘qilinmaydi. Hayit kuni ilohiy bayram bo‘lganligi uchun bu kunda fotihaxonlik qilmasdan bayramona kayfiyatda bir birlarimizni qutlab sovg‘a salomlar berib xursandchilik bilan o‘tkazish kerak. Payg‘ambarimiz (s.a.v) bir hadislarida: “Hayit namozi o‘qiladigan kun shayton “Dod” deb yuboradi. Uning lashkarlari “Seni kim yig‘latadigan darajada xafa qildi” deb qayta qayta so‘rasalar ham to‘xtamay yig‘layveradi. Oxiri yig‘idan to‘xtab: “Bir yil harakat qilib, odam bolalarini yo‘ldan urib, ularga turli gunohlarni qildirgan edim, bari kuyib ketdi. Bir oy tutgan ro‘zasi hurmatidan Alloh ularning barcha gunohlarini kechirib yubordi”, - deb javob beradi. Shayton yig‘lab, kuyib xafa bo‘ladigan kunda mo‘min musulmonlar shod bo‘lib xursandchilik qilishlari, ota-onalaridan, qarindosh urug‘laridan, opa-singillaridan, qolaversa kam taminlangan oilalardan xabar olishib xursandchilik ulashishlari lozim. Rasululloh (s.a.v): “Kim bir musulmonning dunyo qayg‘ularidan birini ketkazsa, Alloh uning qiyomat kunidagi qayg‘ularidan birini ketkazadi. Kim dunyoda bir qiynalgan birodarining og‘irini yengil qilsa, Alloh taolo uning qiyomatdagi og‘irini yengil qiladi. Qaysi bir banda boshqa bir bandaga yordam qilsa, Alloh taolo unga ham yordam qiladi”, - deb marxamat qilganlar. (Termiziy rivoyati). Oxiratini o‘ylagan har bir mo‘min kishi imkoni boricha savob talabida muhtojlarga yordam qo‘lini cho‘zishi jannat tomon tashlagan qadamiga tengdir. Ayniqsa hayit kunlari boy va kambag‘allar teng bo‘lib xursandchilik qilsalar, har bir xonadonga bayram shukuhi kirib borsa nur ustiga a’lo nur bo‘ladi. Gap talashib arzimas dunyo matohi uchun arazlashib yurganlar, avvalo hayit hurmatidan tezda yarashib bir birlaridan uzr so‘rashlari kerak. Buyuk Allohimiz bandalarning gunohlarini kechirib turganida biz ojiz bandalar bir birimizning gunohimizdan o‘tmasak noshukurlik emasmi. Albatta mo‘min kechirimli bo‘ladi. Inshaolloh hayit bayramini birgalikda o‘ynab kulib, a’lo darajada o‘tkazamiz. Viloyatimiz xudidida 273 ta jome masjidlarda soat 05:45 daqiqa o‘tganda hayit namozi o‘qilinadi. Namozxonlar uchun masjidlarimizda shart sharoitlar yaratilgan. Alloh taolo barchamizning xanodonlarimizga barokatlarini nozil aylab kelgusi yil ramazon oyiga sog‘ salomat yetishimizni nasib qilsin. Yana bir bor bayramingiz muborak bo‘lsin azizlar.
IFTORLIK-RIYOKORLIK EMAS
Allohga beadad shukrlar bo‘lsinki, muborak Ramazon oyini barchamiz tinchlik, xotirjamlikda o‘tkazib kelmoqdamiz. Bu oyning dastlabki o‘n kunligi – “rahmat” dahasida yer yuziga Allohning rahmati yog‘iladi. Ikkinchi o‘n kunligi mag‘firat dahasi atalib, xolis niyat bilan ro‘za tutgan kishilarning gunohlari kechiriladi. Oxirgi o‘n kunligi esa “Do‘zaxdan najot”, ya’ni Allohning rahmatiga noil bo‘lgan, gunohlaridan pok bo‘lganlar, albatta, do‘zaxdan najot topadilar. Yana bu dahani “Qadr dahasi” ham deb ataydilar.
ISTIQLOL SHAROFATI ILA TIKLANGAN QADRIYAT
Istiqlol yillarida ko‘hna tariximiz, boy merosimiz, milliy davlatchiligimiz, muqaddas dinimiz, urf-odat va an’analarimiz qayta tiklandi. Bugungi kunda mehr-oqibat, bag‘rikenglik, hamjihatlik kabi oliyjanob fazilatlar, milliy va umumbashariy qadriyatlarga hurmat, Vatan taqdiri va kelajagiga daxldorlik tuyg‘usi yuragimizning tub-tubidan o‘rin oldi.
OYLARNING SULTONI RAMAZON MUBORAK!
“Ey iymon keltirganlar! Sizlardan oldingi (ummat)larga farz qilingani kabi sizlarga ham ro‘za tutish farz qilindi, shoyad (u sababli) taqvoli bo‘lsangiz” (Baqara, 183).
SABR IMONNING YARMIDUR
Sabr-matonat va bardosh mo‘minlarning eng yaxshi sifati, ularning sha’nini ulug‘lovchi go‘zal fazilatlaridandir. Shuning uchun ham Alloh taolo bandalariga biror musibat, ofat yoki mashaqqat kelganida faqat sabr qilishga buyuradi.
Tarovih namozining fazilatlari
Tarovih namozining fazilatlari haqida hazrati Ali (k.v.)dan so‘raganlarida, ul janob shunday debdurlar:
RAMAZON KECHALARINING ZIYNATI
Bandalarini go‘zal suratda yaratgan, ular uchun foyda va zararni ularning o‘zlaridan ham yaxshiroq bilgan Zot bandalariga bir yilda bir oy ba’zi narsalardan tiyilgan holda ro‘za deb atalmish ibodatni bajarishlarini amr qildi.
RAMAZON QUR’ON OYIDIR
Ramazon Qur’on oyidir. Ha, Ramazonning eng buyuk fazilatlaridan biri – bu uning Qur’on oyi ekanidadir. Alloh taolo O‘zining so‘ngi kitobi, Qiyomatga boqiy qoladigan, barchani ojiz qoldirgan mo‘jiz kalomi Qur’oni Karimni nozil qilish uchun aynan Ramazon oyini tanlagan. Shuning o‘zi bu oyning qanchalar ulug‘ ekanini anglash uchun yetarlidir. Alloh aytadi:
TURMUSHDAGI HAMJIHATLIK OILAGA BARAKA KELTIRAR!
Munisa uy yumushlarini bajargach, Ahmadjonning xonasiga kirdi. Stol ustidagi kitoblarni taxlab turgan edi, hadislar to‘plamiga ko‘zi tushdi. Kitobdagi bir rivoyat diqqatini jalb qildi: Salmon Forsiy (r.a.) rivoyat qilishlaricha, Fotimai Zahro (r.a.) Payg‘ambar (alayhissalom)ning oldilariga kirdilar. Ko‘zlari Rasululloh (s.a.v.)ga tushib yig‘ladilar. Sarvari olam (s.a.v.) Fotimai Zahrodan so‘radilar: “Ey Fotima, seni nima yig‘latdi?”. “Ey Allohning payg‘ambari (s.a.v.), man birla kuyovingiz Ali (r.a.) o‘rtamizda bir so‘z o‘tdi. Ali (r.a.) mendan qittiq xafa bo‘ldilar. Sababi shuki, mening og‘zimdan beixtiyor bir so‘z chiqib ketdi. Men u kishiga uzrlar aytdim. To mendan xushnud bo‘lib yuzimga kulib qaradilar”. Payg‘ambarimiz (s.a.v.) aytdilar: “Ey farzand, bilmasmiding Erning rizosi, Xudoning rizosidur va erning noxushlig‘i Xudoi Taoloning noxushlig‘iga sabab bo‘ladi. Ey Fotima, ajab saodatlig‘dur, ul xotindanki eri andin rozi bo‘lsa, har xotun kecha-kunduz erining xizmatida bo‘lib, bir marta erini xushnud qilsa, bir yillik ibodatdin yaxshiroqdur. dedilar. Ey qizim, xotunlarga hamma amallardan yaxshirog‘i Allohning farzidan so‘ngra va erini xizmatidan so‘ngra charx yigirmog‘i. Bir soat o‘ltirib charx yigirmoq, xotunlarga bir yillik ibodatdin yaxshiroqdur. Ey Fotima har xotunki, eri andin rizo bo‘lsa, Jannatning xohlagan eshigidin kirgay”.
GIYOHVANDLIK UMR ZAVOLI
Hayot go‘zal. Hayot lazzatlik. Ana shu go‘zallikdan zavqlanib, hayot lazzatidan tatigan kishi dunyo sahnasiga yaxshi amallar qilishga harakat qiladi. Ota-ona, og‘ayni-qarindosh, aka-uka, opa-singil, qo‘ni-qo‘shnining qadriga yetib yashaydi. Haromdan hazar qilib, halollik bayrog‘ini baland tutadi. Muqaddas dinimiz ko‘rsatmalariga amal qiladi.
Muborak Ramazon oyining fazilati
Insonni kamolot sari yetaklovchi diniy qadriyatlarimizdan biri Ramazon oyi bilan bog‘liq marosimlardir. Bu oyda tutiladigan ro‘za amali insonda o‘z nafsini boshqara olish, sabr-qanoatli bo‘lish, maqsad sari sobitqadamlik bilan intilish kabi fazilatlarning shakllanishiga xizmat qiladi. Bu fazilatlarni kasb etgan inson esa hayotda duch keladigan har qanday to‘siqlarni osonlik bilan yengib o‘ta oladi. Ro‘za insonni halol-poklikka da’vat etadi, uning qalbini turli g‘uborlardan tozalaydi[1].
SOG‘LOM FARZAND YURT TAYANCHI
Tarixga nazal solsak, sharqiy xalqlarimizda farzand tarbiyasi, uning axloq-odobi, ilm-ma’rifati doimo e’tiborda bo‘lib kelgan. Ayniqsa, islom dinida Qur’oni karim va hadisi shariflar ko‘rsatmalariga binoan bu vazifa yanada mas’uliyatli bo‘lib, ota-ona zimmasiga yuklatildi.
