Самарқандликлар умра зиёратига отланишди
Жорий йилнинг 29 феврал куни самарқандлик зиёратчиларнинг дастлабки гуруҳлари умра амалини бажариш учун Тошкент халқаро аэрапортидан Саудия Арабистони томон учиб кетдилар. Бир кун аввал Самарқанд вилояти вакиллиги биносида зиёратчиларни тантанали равишда кузатув ишлари амалга оширилган эди. Кузатувда вилоят ҳокимлиги мутасаддилари, жамоат тартибини сақлаш, вилоят вакиллиги ходимлари, мухбирлар ва зиёратчиларнинг яқинлари қатнашдилар.
Самарқандда ҳудудий ўқув-семинарлар
9-21 феврал кунлари Самарқанд вилояти бўйлаб, жойларда фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчилари учун ҳудудий ўқув-семинарлари бўлиб ўтди. Семинарда вилоят “Маҳалла” хайрия жамоат фонди, Хотин-қизлар қўмитаси вилоят бўлими вакиллари қаторида вилоят бош имом хатиби Нуриддинхон Исламов ҳам маърузаси билан иштирок этди.
Тингловчилар учун зиёфат
Жорий йилнинг 8 феврал куни Имом Бухорий халқаро маркази 4-босқич тингловчилари учун Самарқанд шаҳридаги “Мўжиза” ресторанида зиёфат ташкил этилди. Унда тингловчилар билан бирга вилоят бош имом хатиби Н.Исламов, бош имом хатиб ўринбосари З.Эшонқулов, Самарқанд шаҳар Хўжа Зудмурод жоме масжиди имом хатиби М.Меликовлар ҳам қатнашдилар.
Маърифий учрашувлар изчил давом этмоқда
2016 йилнинг 8-9 феврал кунлари Самарқанд вилояти вакиллиги учун тадбирларга бой бўлди. Турли мавзуларга доир ўтказилган йиғинларда вакиллик раҳбарлари ва имом хатиблар ўзларининг долзарб ва қизиқарли маърузалари билан иштирок этдилар. Жумладан:
Олий таълим муассасаларида учрашув
2016 йилнинг 6 феврал куни Самарқанд вилоятидаги қатор олий таълим муассасалари педагог ўқитувчилари, талаба ва ўқувчилари билан учрашувлар бўлиб ўтди. Жумладан Самарқанд иқтисодиёт ва сервис институтида ўтказилган тадбирда вилоят бош имом хатиби Н.Исламов, Самарқанд шаҳридаги “Санъат саройи”да ташкил этилган Самарқанд давлат университети талабалари билан бўлган йиғинда вилоят бош имоми ўринбосари З.Эшонқуловлар қатнашдилар.
Самарқандда ўқув-семинар
Жорий 2016 йилнинг 5 феврал куни Самарқанд Давлат университети биносида фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчилари учун ўқув-семинари бўлиб ўтди. Юқори савияда ташкил этилган семинарда қатор нуфузли ташкилотлар вакиллари иштирок этдилар. Жумладан, Ўзбекистон “Маҳалла” хайрия жамоат фонди, Ўзбекистон Хотин-қизлар қўмитаси, Дин ишлари бўйича қўмита, Тошкент ислом университети, Ўзбекистон мусулмонлари идорасидан келган маърузачилар бугунги куннинг долзарб мавзуларига доир нутқлари билан қатнашдилар.
Ўзбекистон мусулмонлари идораси Самарқанд вилояти вакиллиги
Самарқанд вилоят бош имом хатиблиги 1977 йилда ташкил топган. Вилоят бош имом хатиблиги лавозимига Уламолар ҳайъати томонидан Самарқанд шаҳар “Хўжа Зудмурод” жоме масжиди имом хатиби Мустафоқул Меликзода тайинланган. Мустафоқул Меликзода Самарқанд вилоят бош имом хатиблиги фаолиятини 1977 йилдан 2000 йилга қадар “Хўжа Зудмурод” жоме масжидидан туриб олиб борган.
ХЎЖА АБДУ МЎЪМИН ЖОМЕ МАСЖИДИ
“Хўжа Абду Мўъмин” жоме масжиди Самарқанд шаҳарининг гўзал масжидларидан бири ҳисобланади. Шаҳарнинг Саттепо маскани, Туркистон кўчаси, 185-а уйда жойлашган. Ушбу масжид 1885 йилда валийсифат шахслардан бўлган Абду Мўъмин бобо бошчилигида ҳашар йўли билан қурилган ва шу инсон номига “Хўжа Абду Мўъмин” деб номланган.
ХАЙРИЯ ДАСТУРХОНИ
Жорий йилнинг 20 январ куни Самарқанд шаҳар "Намозгоҳ" жоме масжиди имом-хатиби Ҳамзахон Пўлатов ҳомийларни жалб этган ҳолда Имом Бухорий халқаро маркази тингловчилари ва ишчи ходимлардан иборат юз нафар кишига тушлик дастирхонини ёзди.
ОЛИЙ ВА ЎРТА МАХСУС ТАЪЛИМ МАСКАНЛАРИДА УЧРАШУВ
Ўзбекистон мусулмонлари идораси Самарқанд вилоят вакиллиги томонидан 2016 йил январ ойининг 12-19 кунларига мўлжалланган “Таълим муассасалари педагог ўқитувчилари, талаба ва ўқувчилари ҳамда ота-оналар билан учрашувлар ўтказиш” дастури бўйича Самарқанд шаҳрида жойлашган иккита университет, олтита институт, ўн битта касб-ҳунар коллеж ва иккита академик лицейда кенг доирадаги учрашувлар бўлиб ўтди.
ҚЎШБАҚҚОЛИ ЖОМЕ МАСЖИДИ
Ушбу масжид 1996 йил ҳашар йўли билан қурилди ва 1998 йилдан расмий масжид сифатида фаолиятини бошлади.
ОГОҲЛИК-ПОРЛОҚ КЕЛАЖАК АСОСИ
Жорий 2016 йилнинг 16 январ куни Самарқанд маиший хизмат касб -ҳунар коллежи мажлислар залида коллеж ўқитувчи ва талабалари ҳамда ота-оналар билан тинчликни асраш, диний вазиятни соғломлаштириш, ижтимоий муҳитни барқарорлаштиришга доир учрашув бўлиб ўтди. Унда вилоят прокуратураси бўлим бошлиғи ўринбосари Т.Қодиров, вилоят ИИБ тезкор вакили Б.Аминов, вилоят бош имом хатиби ўринбосари З.Эшонқулов, Имом Бухорий халқаро маркази директори ўринбосари Б.Тўраевлар иштирок этдилар.
МИЛЛИЙ ВА ДИНИЙ ҲАМЖИҲАТЛИК - ТИНЧЛИК ВА ТАРАҚҚИЁТ ОМИЛИ
Жорий 2016 йилнинг 16 январ куни Самарқанд шаҳрида “Миллий ва диний ҳамжиҳатлик – тинчлик ва тараққиёт омили” мавзусида миллий маданий марказлар, Дўстлик жамиятлари, диний конфессиялар вакиллари ҳамда аҳоли билан маданий-маърифий тадбир бўлиб ўтди. Унда кўплаб ташкилотлар вакиллари қаторида вилоят бош имом хатиби Н.Исламов, бош имом хатиб ўринбосари З.Эшонқулов, шунингдек, Самарқанд шаҳри ва унга туташ туманлардан 100 нафарга яқин имом хатиблар ҳам иштирок этдилар.
ОБИ РАҲМАТ ЖОМЕ МАСЖИДИ
Оби Раҳмат жоме масжиди маҳалла аҳли ташаббуси билан қад кўтарган.
1992 йили масжид пойдеворига асос солиниб, 1995 йилгача аста секин, ҳашар йўли билан бино бўлган. Масжид учта маҳалланинг ўртасида бўлиб, шу маҳаллаларда яшайдиган аҳолининг ушбу масжид бино бўлишида ҳиссалари каттадир.
"САРҲИСОБ" ТАНЛОВИ ТАҚДИРЛАШ МАРОСИМИ
Шу йил 12 январ куни Ўзбекистон мусулмонлари идорасининг мажлислар залида «Сарҳисоб» танловининг ғолиб ва иштирокчилари учун тақдирлаш маросими бўлиб ўтди.
