Sayyor qabul o‘tkazildi
26 mart kuni Urgut tumanidagi “Urgut iqtisodiyot kolleji” binosida Urgut tuman aholisi bilan Samarqand viloyati hokimi E.Turdimovning sayyor qabuli o‘tkazildi. Savol, mulohaza va takliflarga boy o‘tgan uchrashuvda viloyat mutasaddi idoralar xodimlari, mahalla fuqarolar yig‘inlari raislari, ommaviy axborot vositalari vakillari hamda O‘zbekiston musulmonlari idorasi Samarqand viloyat vakili Z.Eshonqulov ishtirok etdi.
Imkoniyati cheklangan shaxslar ziyorat qildilar
Samarqand viloyatida eshitish va gapirish qobiliyati cheklangan insonlar bilan diniy-ma’rifiy suhbatlar uzviy davom etib kelmoqda. Ularga Islom dinining insonparvar g‘oyalari haqida keng tushunchalar berish bilan bir qatorda ularning ijtimoiy va iqtisodiy muammolariga ham quloq tutib, imkon qadar ko‘mak berishga harakat qilinmoqda. Hafta mobaynida bir necha bor Samarqand shahridagi “Xo‘ja Is’hoq Valiy” jome masjidi imom xatibi Yo. Mansurov tomonidan shu kabi suhbatlar o‘tkaziladi. 25 mart kuni ana shunday suhbatdan so‘ng eshitish va gapirish qobiliyati cheklan 110 nafar fuqarolarga jome masjid hamda “Vaqf” xayriya jamoat fondining Samarqand viloyat filali hamkorlikda Imom Buxoriy majmuasiga sayohat tashkil qildi. Sayohatchilar dastlab muhaddislar sultoni Imom Buxoriyning qabrlarini ziyorat qilib, u zotning haqlariga tilovat va duo qilindi. Imom Buxoriyning hayoti va ilmiy faoliyati haqida so‘zlab berildi. Shundan so‘ng, Imom al-Buxoriy xalqaro ilmiy-tadqiqot markazi hamda Hadis ilmi maktabida bo‘lib, bu yerda amalga oshirilgan keng ko‘lamli bunyodkorlik va obodonlashtrish ishlari bilan yaqindan tanishdilar. Ushbu sayohat ularning hayotida ilk bor bo‘layotganidan hamda o‘zlariga qaratilgan e’tibordan mamnun bo‘lib, ziyorat ularning xotiralarida o‘chmas ta’surotlar qoldirganligini izhor qildilar.
Ehson qiluvchilar uchun katta mukofot bordir
Muhtoj insonlarga mehr-muruvvat ko‘rsatish, ularning holidan xabar olish ham farz, ham qarz amallardandir. “Vaqf” xayriya jamoat fondi Samarqand viloyat filiali rahbari Aziz Sultonov hamda filial tasarrufidagi “Murod Avliyo” masjid ziyoratgohi tomonidan shahardagi Afrosiyob, Yangiravot MFYlarda istiqomat qiluvchi imkoniyati cheklangan shaxslar, kam ta’minlangan oilalar holidan xabar olinib, ularga oziq ovqat mahsulotlari va pul mablag‘lari ehson qilindi.
O‘ZBEKISTON BO‘YLAB SYOYOHAT QIL
Ushbu shior ostidagi dastur asosida O‘zbekiston musulmonlari iodarasi Samarqand viloyat vakilligi tashabbusi bilan Shahrisabz tumaniga 24 mart kuni sayohat uyushtirildi. Samarqand viloyat bosh imom xatibi Zayniddin domla Eshonqulov boshchiligida viloyatdagi shahar va tuman bosh imom xatiblari hamda faxriy ustoz imomlar sayohatda qatnashdilar.
Xayrli va savobli ishda musobaqalashaylik
“Vaqf” xayriya jamoat fondining joylardagi filiallari tomonidan jamoatchilik hamda e’tiborga muhtoj kishilarga saxovatpesha insonlarni jalb etgan holda yordam berib kelmoqda. Fondning Samarqand viloyat filiali hamda Samarqand shahar “Shohi Zinda” jome masjidi xodimlari va "Murod Avliyo" masjid ziyoratgoh rahbari Xusenov Faxriddinlar tomonidan bir qancha xayrli ishlar amalga oshirildi. Jumladan, Samarqand shahar “Imom Vose” mahalla aholisiga umumxalq “Navro‘z” bayrami munosabati bilan bir bosh qo‘y berildi. Samarqand shahar "Nayman" MFY da istiqomat qiluvchi besh nafar nogironlarga hamda "Xonchorbog‘" MFY da yashovchi besh nafar kam ta’minlangan oilalarga hammasi bo‘lib 800 000 (sakkiz yuz ming) so‘mlik oziq-ovqat va ehson tarqatildi.
Ro‘zg‘or aksiyasining kelajak rejalari
“Vaqf“ xayriya jamoat fondi “Ro‘zg‘or“ aksiyasining kelajakdagi rejalari:
Ko‘makka muhtoj insonlar Fond faoliyatidan mamnunlar
Insonlarning dardini eshitish, mushkulini oson qilish azaldan xalqimizda e’zozlangan yuksak insoniy fazilatlardan.
RO‘ZG‘OR aksiyasi
“Vaqf” xayriya jamoat fondi bir qancha loyihalarni amalga oshirishni o‘z oldiga reja qilib qo‘ygan. Ana shunday loyihalardan biri “Ro‘zg‘or” aksiyasi. Loyihaga ko‘ra aholining yordamga muhtoj nogironlar, yolg‘iz keksalar, boquvchisini yo‘qotgan fuqarolar hamda kam ta’minlangan oilalarni topib, ularning ro‘zg‘orlaridagi kamchiliklariga doimiy ravishda yordam ko‘rsatishni tashkillashtirish belgilandi.
Sadaqa Alloh taoloning qo‘liga tushadi
Ibn Umar roziyallohu anhudan rivoyat qilinadi:
“Rasululloh sollallohu alayhi vasallam:
Samarqandlik ziyoratchilar jo‘nab ketdi
Alloh taologa beadad hamdu sanolar bo‘lsin, Yurtimizda umra ibodatiga keng yo‘l ochilib, Baytullohni tavof qiluvchilar soni kundan-kunga ortib bormoqda. Umra ibodatining o‘ziga xos bir qancha fazilatlari bor. O‘shalardan biri gunohlarning o‘chirilishidir.
Vaqf xayriya jamoat fondining faoliyati
O‘zbekiston Respublikasi Prezidentining 2018 yil 16 apreldagi “Diniy-ma'rifiy soha faoliyatini tubdan takomillashtirish chora-tadbirlari to‘g‘risida” gi PF-5416-son Farmoni bo‘yicha “Vaqf” xayriya jamoat fondi tashkil etildi. “Vaqf” xayriya jamoat fondi 2018 yil 10 may kuni Adliya vazirligi tomonidan davlat ro‘yxatidan o‘tkazilib, o‘z faoliyatni boshladi. Fond Toshkent shahrining quyidagi manzilda joylashgan: 100002, Toshkent shahar, Olmazor tumani, Qorasaroy ko‘chasi, 47-uy. (Aloqa telefonlari: +998 78 150-64-36, Elektron pochta: vaqfuzbekistan@gmail.com). Shu bilan birga Fondning filiallari Qoraqalpog‘iston Respublikasi va Respublikamizning barcha viloyatlarida o‘z faoliyatini olib bormoqda. “Vaqf” xayriya jamoat fondining faoliyati haqida keng ma'lumotga ega bo‘lish uchun uning vaqf.uz sayti va vaqf.uz telegram messenjiri yo‘lga qo‘yilgan. Bank orqali mablag‘larning to‘g‘ridan-to‘g‘ri yo‘naltirilishini ushbu sayt orqali kuzatib borish mumkin. “Vaqf” fondi xayr-ehsonlarni o‘z egalariga yetkazishda ochiqlik va shaffoflikni kafolatlaydi.
"Vaqf" fondi rahbari Xoja Ahror Valiy ziyoratgohida amalga oshirilgan ishlar bilan tanishdi
Bugungi kunda Davlatimiz rahbari topshirig‘iga binoan "Vaqf" xayriya jamoat fondiga o‘tkazilgan yurtimizdagi yuzlab ziyoratgoh va qadamjolar obod qilinmoqda. Ushbu maskanlarni rivojlantirish, ularning faoliyatini to‘g‘ri yo‘lga qo‘yish maqsadida har birining faoliyati bilan yaqindan tanishib chiqish yo‘lga qo‘yildi.
Qabristonlarda hashar bo‘lmoqda
O‘zbekiston musulmonlari idorasi raisi, muftiy Usmonxon Alimov boshchiligida shu yilning 13 fevral kuni Zomin tumanida viloyat bosh imom xatiblari hamda mas'ul vakillar ishtirokida sayyor yig‘ilish o‘tkazilgan edi. Yig‘ilishdan so‘ng qatnashchilarga Zomin tumanidagi qabristonga ziyorat uyushtirilib, u joydagi qabrlarning joylashish holati va ko‘rinishini namuna qilib olish tavsiya qilindi. Shundan kelib chiqib, viloyat vakili shahar va tuman bosh imom xatiblari bilan bir necha marta yig‘ilib, qabrlarni hashamatli qilmaslik, ustiga bino va tosh o‘rnatmaslik, aksincha qabr ustini somonli loy bilan suvoq qilib qo‘yish shari'atimiz va an'analarimizga mos ekanligini aniq dalil va misollar bilan xalq orasida va juma mav'izlarida tushuntirishga kelishib oldilar. Juma tezisiga ham shu mazmundagi ilova qo‘shimcha qilindi. Viloyat bosh imom xatibi Z.Eshonqulovning qabrlarni shari'atimiz talabalariga mos ravishda bo‘lishiga qaratilgan video murojaati tayyorlanib, shahar va tuman bosh imom xatiblariga taqdim qilindi hamda viloyat televideniyasi orqali namoish etildi. O‘MI Samarqand viloyati vakilligi tashabbusi bilan 2019 yil 2-3 mart kunlari viloyatdagi jami 1441 ta qabristondan 819 tasida hashar o‘tkazildi. Unda 27236 nafar fuqarolar ishtirok etdi. Hashar jarayonida ko‘chatlar o‘tqazilib, tozalash va obodonlashtirish ishlari amalga oshirildi. Jumladan: 2290 dona manzarali daraxt ko‘chatlari ekildi. 13450 metr ariqlar tozalandi. 91,5 tonna chiqindilar olib tashlandi. 7900 tup daraxtlar oqlanib, ularga shakl berildi. 73 ta texnika jalb etildi. 560 ta qabrlar somonli suvoq qilindi. Homiylarni jalb qilgan holda 32 000 000 so‘m pul mablag‘i yo‘laklar ta'miri, manzarali ko‘chatlar ekish kabi ishlarga sarf qilindi.
Vaqf mulki va obi-hayot aksiyasi
“Vaqf” xayriya jamoat fondi kelib tushgan mablag‘larni har bir yo‘nalish bo‘yicha taqsimotini amalga oshirgan holda hududlarda bir qancha loyihalarni amalga oshirishni o‘z oldiga maqsad qilgan. Shunday loyihalardan biri “Obi hayot” loyihasidir. Ushbu loyihadan ko‘zlangan maqsad aholini toza ichimlik suviga bo‘lgan ehtiyojini qondirish bo‘lib, uni amalga oshirish uchun fond tomonidan “Vaqf mulki va obi-hayot aksiyasi” o‘tkazilib kelmoqda. Xabaringiz bor, yaqinda Surxondaryo viloyatidagi bir nechta mahalla aholisiga “Vaqf” xayriya jamoat fondi tomonidan toza ichimlik suvi tarmog‘ini o‘tkazish ishlari yakuniga yetkazlidi.
Xayriya fondining xayriya ishlari
Aholining ijtimoiy himoyaga muhtoj qatlamlarini moddiy va ma'naviy qo‘llab-quvvatlash “Vaqf” xayriya jamoat fondining maqsad va vazifalaridan biridir. Fondning Samarqand viloyati filiali Samarqand shahridagi “Xo‘ja abdu Darun” jome masjidi bilan hamkorlikda ana shunday muhtoj oilalardan biriga ko‘mak qo‘lini cho‘zdi. Samarqand shahrida davolanayotgan Qashqadaryo viloyati, Shahrisabz tumani, Pillakash qishlog‘ida yashovchi 2015 yilda tug‘ilgan Qudratov Yasurbekni davolanishi uchun 1300000 so‘m pul hamda oziq-ovqat ehson qilindi.
