ҚЎШ ҲОВУЗ ЖОМЕ МАСЖИДИ
Самарқанд шаҳар “Қўш ҳовуз” жоме масжиди тахминан 1897-1903 йилларда Ахмаджон хожи бобо томонидан ўзининг шахсий маблағи ҳисобидан қайта қурилади. Бинога пухта хом ғиштлар ишлатилган, вассажуфт ва устумлардан иборат.
ОЛИС ТУМАНЛАРДА БАЙРАМ ШУКУҲИ
Ўзбекистон мусулмонлари идораси Самарқанд вилояти вакиллиги томонидан Умумхалқ байрами 9-май – Хотира ва Қадрлаш кунини муносиб кутиб олиш ва нишонлаш мақсадида қатор ишлар амалга оширилмоқда. Жумладан вилоятнинг чекка туманлари ва чегараолди ҳудудларида жойлашган масжидларга жума намозини адо этиш ва ўша атрофдаги маҳаллаларда истиқомат қилувчи иккинчи жаҳон уруши қатнашчилари, меҳнат фахрийлари, ногиронлар, ёлғиз кексалар, кам таъминланган оилалар ҳолидан хабар олиш мақсадида малакали имомлар сафарбар этилди.
ХОТИРА ВА ҚАДРЛАШ КУНИ НИШОНЛАНДИ
Умумхалқ байрами 9 май – Хотира ва Қадрлаш куни муносабати билан Самарқандда иккинчи жаҳон уруши, меҳнат фронти қатнашчилари, меҳнат фахрийлари, диний соҳада узоқ йиллар хизмат қилганлар ҳамда вакиллик ходимлари, имом-хатиблар иштирокида тантанали байрам тадбири бўлиб ўтди.
РУҲОБОД ЖОМЕ МАСЖИДИ
“Руҳобод” жоме масжиди Самарқанд шаҳрининг Гўри Амир мақбараси ҳудудида, “Руҳобод” мақбараси ва мадрасаси бинолари ёнида жойлашган. Масжид биноси икки томони пешайвон ва хонақоҳдан иборат. Баъзи манбаларда кўрсатилишича ҳозирги масжид ўрнида олдиндан масжид бўлган, сўнг ушбу масжид қайтадан бино қилинган.
Байрам совғалари улашилди
Умумхалқ байрами 9 май – Хотира ва Қадрлаш куни муносабати билан Ўзбекистон мусулмонлари идораси Самарқанд вилояти вакиллиги ва имом хатиблар томонидан қатор хайрли ишлар амалга оширилмоқда. Жумладан, 30 апрел куни вилоятнинг Пайариқ туманида жойлашган “Имом Бухорий” жоме масжиди имом хатиби Зайниддин Эшонқулов ва масжид ходимлари биргаликда ҳомийларни жалб қилган ҳолда тумандаги “Хўжа Исмоил” маҳалла фаоллари тавсиясига биноан маҳаллада яшовчи меҳнат фахрийлари, кекса отахон ва онахонлар, боқувчисини йўқотганлар, кам таъминланганлардан иборат 20 нафар фуқароларга байрам совғаси улашдилар. Озиқ-овқат ва кийим кечаклардан иборат туҳфаларни қабул қилиб олган кишилар юзида хурсандчилик, юртимиздаги тинчлик сабабидан бўлаётган ислоҳотларга нисбатан шукроналик ҳисси кўриниб турар эди.
АНОНС."ҲИДОЯТ САРИ" КЎРСАТУВИ
Ҳар томонлама етук ва баркамол авлодни тарбиялаш юртимиз тараққиёти йўлидаги энг устувор вазифалардан биридир. Жисмоний ва маънавий баркамоллик кишини фақат эзгу мақсадлар томон етаклайди. Муқаддас динимиз кўрсатмаси ҳам айнан шудир. Зеро, Расулуллоҳ соллаллоҳу алайҳи васаллам фарзандларнинг жисмоний ва ахлоқий тарбияларига алоҳида эътибор қаратишга тарғиб этганликлари маълум.
"Ўзбекистон" телеканалида эфирга узатилиб бориладиган диний-маърифий йўналишдаги "Ҳидоят сари" кўрсатувининг 29 апрель (Жума) кунидаги сони "Соғлом она ва бола жамият таянчи" мавзусига бағишланади. Кўрсатувда бошловчи - Тошкент шаҳар бош имом-хатиби Анвар қори Турсунов ҳамда Тошкент шаҳридаги "Абдуллоҳ ибн Масъуд" жоме масжиди имом-хатиби Эргашали Мирзаев, "Маҳкам ота" жоме масжиди имом-хатиби Муҳаммадбобур Йўлдошев, "Аҳмаджон қори" жоме масжиди имом-хатиби Муҳаммадий Эргашев ва Тошкент вилоятидаги "Оқ ота" жоме масжиди имом-хатиби Фахриддин Мирзаевлар иштирок этадилар.
Кўрсатув 29.04.2016й. (Жума) куни соат 18:55 ҳамда такроран 02.05.2016й. (Душанба) куни соат 14:15 да "Ўзбекистон" телеканлида эфирга узатилади. Кўрсатувни ўтказиб юборманг.
БАЙРАМ ОЛДИДАН
Ўзбекистон мусулмонлари идораси Самарқанд вилояти вакиллиги томонидан Умумхалқ байрами 9-май – Хотира ва Қадрлаш кунини муносиб кутиб олиш ва нишонлаш мақсадида қатор ишлар амалга оширилмоқда. Жумладан вилоятнинг чекка туманлари ва чегараолди ҳудудларида жойлашган масжидларга жума намозини адо этиш ва ўша атрофдаги маҳаллаларда истиқомат қилувчи иккинчи жаҳон уруши қатнашчилари, меҳнат фахрийлари, ногиронлар, ёлғиз кексалар, кам таъминланган оилалар ҳолидан хабар олиш мақсадида малакали имомлар сафарбар этилди.
ҚИЗИҚАРЛИ УЧРАШУВ
2016 йилнинг 29 апрел куни вилоят хокимлиги ҳузуридаги фуқароларнинг ўзини ўзи бошқариш органлари ходимларининг малакасини ошириш бўйича ўқув курсида қизиқарли учрашув бўлиб ўтди.
ҚАБРИСТОНЛАРНИ ОБОД ҚИЛИШ - ИНСОНИЙ БУРЧДИР
Ўзбекистон мусулмонлари идораси ва Дин ишлари бўйича қўмита тамонидан 2016 йил 7 апрелда тасдиқлаган “Умумхалқ байрами 9 май –Хотира ва Қадрлаш кунини нишонлашга тайёргарлик кўриш ва уни ўтказиш бўйича Ўзбекистон мусулмонлари идораси тасарруфидаги диний ташкилотларда амалга ошириладиган тадбирлар режаси” ижросини таъминлаш мақсадида вилоят бош имом хатиби, шаҳар ва туман имом хатиблари иштирокида жойларда қабристонларни ободонлаштиришга доир ҳудудий семинарлар ўтказилмоқда. 21-28 апрел кунлари оралиғида бўлиб ўтиши режалаштирилган семинарлардан кўзланган мақсад белгиланган режа асосида қабристонларда ободонлаштириш ишларини олиб бориш, ота-боболаримиз хоки қўним топган масканларни кўркам ҳолатга келтириш ҳамда "9 май - Хотира ва Қадрлаш куни"га муносиб тайёргарлик кўришдир. Бундай масъулиятли ишга яқиндан ёндашган вилоят бош имом хатиби Н.Исламов ва бош имом хатиб ўринбосари З.Эшонқуловлар олис қишлоқлардаги қабристонларга бориб, у ерларни обод қилишга доир ўз тавсия ва фикрларини бермоқдалар.
САМАРҚАНДДА КЕНГ ҚАМРОВЛИ ТАРҒИБОТ ТАДБИРЛАРИ
2016 йилнинг 29-30 март кунлари Самарқанд вилояти бўйлаб саккизта туманда ижтимоий-маънавий муҳит барқарорлигини таъминлашга қаратилган кенг қамровли учрашувлар бўлиб ўтди.
ҲАШАР-ЭЛГА ЯРАШАР
Ҳашар азал-азалдан халқимиз орасида кенг тарқалган миллий қадриятларимиздан бўлиб, кўпчилик билан амалга ошириладиган тадбирларимиздандир. 25 март куни Иштихон туман “Муҳожирлар” жоме масжидида катта ҳашар уюштирилди. Ҳашарда масжид қавмидан иборат барча катта кичик иштирок этишди. Атрофлар тозаланиб дарахтларга шакл берилди. Ҳашарчилар ёрдамида 100 дона ҳар хил мевали ва 100 дона манзарали кўчат дарахтлари экилди. Ҳашарчилардан 75 ёшларни қоралаган Эрмуҳаммад бобо ўз қўллари билан кўчат экар экан: “Бугунги ҳашар менинг ҳаётимда унитилмас кунга айланди. Чунки муборак масжидимиз ҳавлисига кўчат ўтқаздим. Кўчатим дарахтга айланиб мева солганда балким мен бўлмасман. Аммо шу ерга ибодатга келган кишилар мевасидан еб хаққимга дуолар қилади” деб, янада ғайрат билан ишга киришиб кетди. Имом Бухорий ривоят қилган ҳадисда Пайғамбаримиз (с.а.в.) “Қай бир мусулмон бирор кўчат ёки экин экса ундан қуш, одам ёки бирон жонивор еса эккан кишига садақа савоби ёзилади” деб марҳамат қилганлар. Масжид қавми ҳар йили Наврўз арафасида ана шундай савобли катта ҳашар қилишликни келишиб олишди.
НАВРЎЗ БАЙРАМИ ОЛДИДАН ЙИҒИЛИШ
Жорий йилнинг 19 март куни Самарқанд шаҳар “Шохи Зинда” жоме масжидида Самарқанд шаҳридаги мавжуд масжид имом хатиблари иштирокида йиғилиш бўлиб ўтди. Ушбу йиғилишда вилоят бош имом хатиби Н.Исламов, бош имом хатиб ўринбосари З.Эшонқулов ҳамда вакиллик мутахассиси А.Ҳасановлар қатнашди.
ЗИЁРАТЧИЛАР ВИЛОЯТГА ҚАЙТИШДИ
Жорий 2016 йилнинг 17 март куни самарқандлик зиёратчиларнинг навбатдаги гуруҳлари умра амалини адо этиб, Саудия Арабистонидан юртимизга қайтиб келдилар. Уларни Тошкент халқаро аэрапортидан вилоят масъуллари кутиб олар эканлар, барча қулайликларга эга, замонавий автобусларда йўл патрули ходимлари, шифокорлар кузатувида вилоятга олиб келдилар.
БУГУН "ҲИДОЯТ САРИ" КЎРСАТУВИ
"Ўзбекистон" телеканалида эфирга узатилиб бориладиган диний-маърифий йўналишдаги "Ҳидоят сари" кўрсатувининг 4-март (Жума) кунидаги сони "Пойи жаннат - оналар" мавзусига бағишланади. Кўрсатувда бошловчи - Тошкент шаҳар бош имом-хатиби Анвар қори Турсунов ҳамда Тошкент шаҳридаги "Саид Ваққос ота" жоме масжиди имом-хатиби Фозилжон Убайдуллаев, "Нўғой қўрғон" жоме масжиди имом-хатиби Муродхон Садриддинов ва Тошкент вилоятидаги "Рамазони шариф" жоме масжиди имом-хатиби Азимжон Алимжоновлар динимизда Аллоҳ таолонинг ёлғиз Ўзига ибодат қилишдан кейинги энг шарафли ва фарзи айн ҳисобланган ота-онага яхшилик қилиш, онадек мўътабар сиймо қадри ҳақидаги мавзуга доир маърузалари билан иштирок этадилар.
Каттақўрғон туманида футбол мусобақаси
Самарқанд вилояти Каттақўрғон туманида ИИБ ташаббуси билан 21 март “Наврўз” байрами муносабати билан ташкилотлар ўртасида футбол мусобақаси ташкил этилди. Мусобақада Каттақўрғон тумани имом хатиблари ҳам иштирок этмоқдалар. Дастлаб туман ободонлаштириш бошқармаси устидан 3:0 ҳисобида ғалаба қозонган имом хатиблар “Маҳалла” жамоат фонди билан кечган ўйинда 5:0 ҳисобида устун келиб мусобақанинг нимчорак финалига чиқдилар.
