Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Учрашувлар, семинарлар, брифинглар

ЎЗБЕКИСТОНДАГИ ҚЎЛЁЗМА ФОНДЛАРИ: МУҲОФАЗА ҚИЛИШ, КАТАЛОГЛАШТИРИШ ВА МУТАХАССИСЛАР МАЛАКАСИНИ ОШИРИШ МАВЗУСИДА ХАЛҚАРО ИЛМИЙ-АМАЛИЙ ЎҚУВ СЕМИНАРИ БОШЛАНДИ

 
 

Аввал хабар берганимиздек, жорий йилнинг 21-22 июнь кунлари Имом Бухорий халқаро илмий-тадқиқот маркази ва Ислом ҳамкорлик ташкилоти (OIS)нинг Ислом тарихи, санъати ва маданиятини тадқиқ қилиш Маркази (IRCICA) ташкилоти ҳамкорлигида “Ўзбекистондаги қўлёзма фондлари: муҳофаза қилиш, каталоглаштириш ва мутахассислар малакасини ошириш” мавзусида халқаро илмий-амалий ўқув семинари ташкил этилиши режалаштирилган эди.

21 июнь куни Имом Бухорий халқаро илмий тадқиқот марказига халқаро илмий-амалий ўқув семинари ҳайъати аъзолари, ИРСИКА бош директори – профессор Холит Эрен, ИРСИКА тадқиқотлар ва нашрлар бўлими бошлиғи – профессор А. Муминовлар ташриф буюрди. Республикамиз ҳудудларидан илмий-амалий ўқув семинари иштирокчилари, олимлар, соҳа вакиллари, меҳмонлар Марказ директори доцент Ш. Зиёдов ва илмий ходимлар томонидан кутиб олинди. Ш. Зиёдов Марказ асосий фойесида тадбир иштирокчиларига ушбу марказ Давлатимиз раҳбари Ш.Мирзиёевнинг ғояси ва ташаббуси асосида бунёд этилиб, қисқа фурсатда халқимиз ва бутун ислом олами учун маънавият-маърифат масканига айланиб улгурганлиги, унинг фаолияти ва вазифалари ҳақида гапириб, меҳмонларга илмий ходимлар томонидан улуғ алломаларимизнинг бебаҳо маънавий меросини тадқиқ этиш, улар яратган асарларнинг илмий-изоҳли таржима қилиш ва ўрганиш ҳамда мавжуд манбаларни халқимиз ва жаҳон жамоатчилигига етказиш каби масъулиятли вазифалар билан шуғулланиб, илмий тадқиқотлар олиб бораётганлиги тўғрисида ҳам маълумотлар берди.


Шундан сўнг меҳмонлар, халқаро семинар иштирокчилари музейга таклиф этилиб, уларга музей фондидан жой олган буюк муҳаддис Имом Бухорийнинг бой илмий мероси, турли даврларга тегишли ҳадис илмига оид қўлёзма ва тошбосма асарлари, ноёб экспозициялар ва замонавий ахборот берувчи воситалар тўғрисида маълумотлар берилди.
Сўнгра кун тартибига мувофиқ, халқаро семинар иштирокчилари: профессор-олимлар, соҳага оид мутахассислар ва илмий ходимлар тажриба алмашув ва касбий технологияларни ишлаб чиқиш ҳамда бошқа масалалар бўйича “Ўзбекистондаги қўлёзма фондлари” номли биринчи мажлисда ўз иштирокини бошлади.
Манба: bukhari.uz


Киритилган вақти: 21/06/2019 00:00;   Кўрилганлиги: 628
 
Материал манзили: https://www.sammuslim.uz/press/seminars-briefings/ozbekistondagi-qolyozma-fondlari-muhofaza-qilish-kataloglashtirish-va-mutaxassislar-malakasini-oshirish-mavzusida-xalqaro-ilmiy-amaliy-oquv-seminari-boshlandi
Чоп этилган вақт: 20/06/2021 06:46
 
 
Ўқиш учун ушбу тугмани босинг