Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Индонезиядаги кўп фарзандли оила Ўзбекистон ҳақида китоб ёзди

 
 

Ўн бир фарзандли Ген ва Ҳалилинтар оиласи Индонезиядаги кўп болали хонадон ҳисобланади. Бу оила зиёрат туризмни фаол тарғиб этмоқда.

Самарқанд вилояти туризмни ривожлантириш департаменти матбуот хизматининг хабар беришича, бу оила 2014 йилда юртимизда, жумладан, Самарқандда саёҳатда бўлиб, бундан жуда катта таассурот олади. Шу сабабли улар мамлакатимиздаги тарихий-маданий иншоотлар, муқаддас қадамжолар ва халқимиз маданияти, анъана ва урф-одатлари ҳақида “Ўзбекистон – меҳмондўст давлат” (“UZBEKISTAN NEGARA SAHABAT”) номли китоб ёзди. Ҳозиргача бу китоб 100 минг нусхада нашр этилди ва Индонезияда жуда машҳур бўлди. “GenHalilintar” оиласи мазкур китобни ўзбек тилига таржима қилиш ва Самарқандда нашр этишни режалаштирган.

Таъкидлаш лозимки, “GenHalilintar” оиласини “King of YouTube” (Ютуб қироли) деб ҳам аташади. Чунки, оила YouTube каналида жуда катта – 15 миллионлик аудиторияга эга. Уларнинг Ўзбекистонга сафари ҳақидаги видеосини томоша қилганлар ҳозиргача 150 мингдан ошди.

“GelHalilintar” Самарқанд шаҳрида туризмни ривожлантиришни истайди. Бунинг учун уларнинг ўзи ҳам қадимий ва ҳамиша навқирон шаҳар туризм соҳасига инвестиция киритиш ниятида.

Манба: “zarnews.uz”


Киритилган вақти: 27/09/2018 00:00;   Кўрилганлиги: 1546
 
Материал манзили: https://www.sammuslim.uz/press/news/indoneziyadagi-kop-farzandli-oila-ozbekiston-haqida-kitob-yozdi
Чоп этилган вақт: 28/03/2024 13:28
 
 
Ўқиш учун ушбу тугмани босинг