Муфтий ҳазратлари Урганчдаги мадрасанинг янги биноси лойиҳаси билан танишдилар
Ўзбекистон мусулмонлари идораси раиси, муфтий Усмонхон Алимов ҳазратлари ва Дин ишлари бўйича қўмита раиси Абдуғофур Аҳмедов Хоразм вилоятига сафарлари давомида Урганч шаҳридаги “Имом Фахриддин ар-Розий” ўрта махсус ислом билим юрти фаолияти билан танишиб, устоз ва талабалар билан мулоқот қилдилар.
Муфтий ҳазратлари бошчиликларидаги аввал ушбу мадраса учун ажратилган янги бинонинг таъмирлаш лойиҳаси билан яқиндан танишдилар ва ўзларининг муҳим тавсияларини бердилар.
Ташриф доирасида барча мударрис ва талабалар билан муфтий ҳазратлари суҳбат ўтказиб, Ҳақ таолонинг берган неъматларига шукр қилиш, юртимиздаги тинчлик ва осойишталикнинг қадрига етиш, диний ва дунёвий илмларни мустаҳкам эгаллаш, келгусида халқимиз ва динимиз ривожига муносиб ҳисса қўшиш зарурлигини таъкидладилар.
Айниқса бугунги кунда дин номидан жиноят қилаётган тоифаларга қарши курашиш учун зарур илмларни пухта ўрганиш ва уларнинг нотўғри даъволарида раддия бериш қобилиятига эга бўлиш энг долзарб вазифалардан эканини алоҳида қайд этдилар.
Учрашувда “Вақф” хайрия жамоат фонди томонидан устоз ва талабаларга Қуръони карим китоблари туҳфа этилди.
Самарқанд шаҳар бош имом-хатиби “Панжоб” маҳалласи аҳолиси билан учрашди
Самарқанд шаҳар “Панжоб” маҳалласида ижтимоий, маънавий муҳитни янада соғломлаштириш, диний экстремизм ва терроризмнинг олдини олиш бўйича маънавий-маърифий тадбир бўлиб ўтди. Тарғибот тадбирида Самарқанд шаҳар бош имом-хатиби Нуриддинхон Исломов иштирок этиб, тадбир иштирокчиларига бугунги тинчлик, осойишталик ҳукум сурган бир буюк давлатда яшаётганимиз учун шукроналар келтириш, лекин баъзи бир қўпорувчи кучлар томонидан юртимиз тинчлигига раҳна солаётган айрим кучлар борлиги одамларни огоҳ бўлишга даъват этишини айтиб ўтди.
Ислом тинчлик дини
Радикал мутаассиб гуруҳлар Ислом дини ниқоби остида зўравонликларга қўл уриб, қўпорувчилик, қотилликлар содир этмоқда. Диний уламолар, соҳа вакилларидан исломнинг асл моҳиятини кенг жамоатчилик, ёшларга тўғри етказиш, диний экстремистик ташкилотлар даъволарига асосли, илмий раддиялар бериш асосий вазифалардан ҳисобланади. Шу каби мақсадларни ўз ичига олган давра суҳбатлари, учрашув ва тадбирлар аҳоли билан, илм даргоҳларида имом-хатиблар томонидан ўтказиб келинмоқда.
Пастдарғом туман “Абдурасулбой” жоме масжиди имом-хатиби Улуғуов Худоёр ҳам Пастдарғом Автомобил ва йўллар касб-ҳунар коллежида “Ислом тинчлик дини” мавзусида ўқувчилар билан давра суҳбати ўтказди. Суҳбат давомида имом-хатиб томонидан Ислом – тинчлик, инсонпарвар дин эканлиги ояти карима ва ҳадиси шарифлар асосида тушунтириб берилди. Тадбир қатнашчилари ўзларини қизиқтирган саволларга етарлича жавоб олдилар. Айтиш мумкинки, учрашув мазмунли, ўзаро савол-жавоб тарзида ўтди.
Авиаҳалокатга учраган оилаларнинг яқинларига таъзия изҳор этилди
Канаданинг Онтарио провинциясида енгил самолётнинг ҳалокатга учраши оқибатида етти киши ҳалок бўлган эди. Асли Ўзбекистонлик, АҚШнинг Техас штатида истиқомат қилувчи Отабек Облоқулов Онтарионинг Кингстон шаҳри атрофида Piper PA-32 самолётини бошқариб кетаётганида ҳалокатга учраган. Самолёт Онтарионинг Маркхэм шаҳридан Квебек провинциясининг Квебек шаҳри томон ҳаракатланаётган бўлган. Самолётда Облоқуловнинг турмуш ўртоғи ва 3, 11 ва 15 ёшли фарзандлари бўлган. Бундан ташқари бортда Канаданинг Торонто шаҳрида доимий истиқомат қилувчи, асли Ўзбекистондан бўлган Бобомурод Набиев ва унинг турмуш ўртоғи ҳам бўлган.
Рустам Эмомали бошчилигидаги делегация Самарқандда
Душанбе шаҳри раиси Рустам Эмомали бошчилигидаги делегация Ўзбекистонда бўлиб турибди. Бугун меҳмонлар Самарқанд шаҳрига ташриф буюриб, табаррук зиёратгоҳ ва тарихий обидалрни зиёрат қилди. Жумладан, Душанбе шаҳри раиси Рустам Эмомали Самарқанд вилояти ҳокими Эркинжон Турдимов ва Тошкент шаҳри ҳокими Жаҳонгир Ортиқхўжаев ҳамроҳлигида Ҳазрати Хизр мажмуасига ташриф буюриб, Биринчи Президентимиз Ислом Каримов хотирасига ҳурмат бажо келтирди. Қуръон тиловат қилинди.
Бундан ташқари меҳмонлар Имом Бухорий мажмуасида ҳам бўлдилар. У ерда Имом Бухорий ҳазратларининг равзалари зиёрат қилинди. Шундан сўнг меҳмонлар Имом Бухорий халқаро илмий-тадқиқот марказига ташриф буюрди.
Меҳмонлар марказ музейида бўлдилар. Марказ раҳбарияти ва илмий ходимлари билан суҳбатда Ўзбекистон билан Тожикистон ўртасидаги дўстлик ва яхши қўшнилик муносабатлари кейинги йилларда изчил ривожланиб бораётгани мамнуният билан тилга олинди. Мартабали меҳмонларнинг зиёрат ва ташрифи давомида Самарқанд вилоят бош имом-хатиби З.Эшонқулов уларга ҳамроҳлик қилди.
“...Жаннатда ўзинга бир манзил тайёрладинг”
Аллоҳ таоло инсониятни беҳисоб неъматлар билан силаган. Улар орасида инсон учун энг бебоҳоларидан иккитаси сиҳат саломатлик ва ҳотиржамликдир. Аллоҳ таоло баъзи бандасига беморлик дардини беради. Мана шундай ҳолларда мўмин мусулмонлар ўрталарида меҳр-мурувват, ўзаро ҳамжиҳатлик зиёда бўлиши учун бир-биридан хабар олиб турмоғи лозим. Барча эзгу амаллар каби беморни зиёрат қилишни ҳам астойдил, ихлос билан адо этиш лозим. Бу ҳақда Пайғамбаримиз (с.а.в) шундай марҳамат қилганлар: “Бир одам бемор кишини нафақат Аллоҳ таоло розилиги учун кўришга борса, Аллоҳ таоло у ҳақда шундай дейди: “Жуда яхши қилдинг. Боришинг ҳам чиройли бўлди. Жаннатда ўзинга бир манзил тайёрладинг”.
Халқаро ногиронлар куни муносабати билан хайрия тадбирлари ўтказилмоқда
Бугунги кунда бутун дунё аҳолисининг 1 миллиарддан ортиғида, яъни еттита кишидан камида биттасида муайян бир турдаги ногиронлик мавжуд бўлиб, барча ногиронларнинг 100 миллиондан ортиғини болалар ташкил этади. Мамлакатимизда ногиронлиги бўлган шахсларнинг манфаатларини ҳимоя қилиш, уларни жамиятимизнинг тўлақонли аъзоси эканликларини кўрсатиш мақсадида турли тадбир ва ислоҳотлар амалга оширилмоқда.
Савоб ишни ҳар кун, ҳар ким қилиш керак
Самарқанд шаҳридаги “Ҳамид Олимжон” номли Самарқанд вилоят мусиқали драма театри биносида “Халқаро ногиронлар куни” муносабати билан тадбир бўлиб ўтди. Унда давлат, жамоат ташкилотлари, муассасалар вакиллари иштирок этди. Шунингдек, тадбирда вилоят бош имом-хатиби З.Эшонқулов ва Самарқанд шаҳар масжидларининг имом-хатиблари қатнашди. Тадбир давомида мамлакатмизда бугунги кунда ногиронлиги бўлган шахсларга яратилган шароит ва имкониятлар ҳамда уларга қаратилаётган эътибор борасида сўз юритилди.
Ҳар-бир яхшилик бесамар қолмайди
Муқаддас динимиз – ислом динида инсон, шахс манфаати энг биринчи ўринга қўйилади. Қуръони каримнинг бир қатор ўринларида, бу умуминсоний юксак қадрият алоҳида таъкидланган. Ислом инсон учун лозим бўлган маънавий ва моддий манфаатлар уйғунлигини ўзида мужассам эта олган диндир.
“Собит тур, эй Уҳуд! Сенинг устингда Набий, Сиддиқ ва икки шаҳид турибди”
Уҳуд тоғи Мадинанинг шимолий тарафида жойлашган муборак бир тоғдир. Тоғнинг узунлиги 7 километр, кенглиги 2-3 километр, баландлиги эса 350 метрга яқин. Тоғ Мадинаи Мунавварадан тахминан 4-5 километр узоқликда жойлашган. Уҳуд тоғида бир неча ғор ва даралар мавжуд бўлиб, баъзи ғорларнинг баландлиги бир ярим метрни, узунлиги эса ўн метрни ташкил этади.
Меҳрга ташна қалбга бир ширин сўз ҳам азиз
Маълумки, динимиз Ислом раҳмат динидир. У меҳр-мурувватга, эзгуликка чорлайди, раҳмдилликни тараннум этади. Кўплаб ояти карималар ва ҳадиси шарифларда Аллоҳнинг бандаларига нисбатан раҳмли, марҳаматли бўлишга тарғиб этилган. Агар ушбу диннинг жонли тимсоли бўлмиш пайғамбаримиз Муҳаммад (алайҳиссалом)нинг сийратларига, юриш-туришларига ибрат назари билан қарайдиган бўлсак, қилган ишлари ва айтган сўзлари устида тафаккур юритсак, раҳмат бу диннинг моҳияти эканлигига амин бўламиз. Аллоҳ таоло ушбу динни инсониятга олиб келган зот ҳақида бежиз: “Батаҳқиқ, Биз Сени оламларга фақат раҳмат қилиб юборганмиз!” (Анбиё: 107) дея марҳамат қилмаган.
Вилоят бош имом-хатиби олисда жойлашган масжидларда бўлди
Чегара ҳудуд ва марказдан олисда жойлашган масжидлар билан танишиш мақсадида вилоят бош имом-хатиби З.Эшонқулов Ургут туманида бўлди. Вилоят бош имом-хатиби сафар давомида “Қуйиқишлоқ” жоме масжидида бўлиб, масжиднинг бугунги ҳолати, намозхонлар учун ҳозирланган шароит, қишги мавсумга тайёргарлик ишлари билан танишди. Масжид қавми билан суҳбатлашиб, Аллоҳга шукроналик келтириш, ёшлар тарбияси, оилаларнинг мустаҳкамлиги борасида суҳбатлашди.
Шундан сўнг янгидан бино қилинаётган “Бойбул” масжидига ташриф буюриб, у жойда олиб борилаётган қурилиш ишлари билан танишди. Масжид шаҳарсозлик меъёрлари ва қоидаларига мувофиқ замонавий лойиҳага асосан қурилмоқда. Қурилиш ишлари 2017 йил бошланган. Ҳозир масжид биноси тўлиқ қад ростлаган. Унинг том қисми ёпилган бўлиб, гумбазлар ўрнатилган.
Вилоят бош имом-хатибига ушбу сафар давомида Ургут туман бош имом-хатиби Ш.Ҳақбердиев ҳамроҳлик қилди.
Вилоят бош имом хатиби матбуот анжуманида иштирок этди
Самарқанд вилоят матбуот уйида вилоят ҳокимининг ўринбосари Д.Мамадқулов ва вилоят бош имом хатиби З.Эшонқулов иштирокида матбуот анжумани ўтказилди. Унда Д.Мамадқулов вилоятда ижтимоий-маънавий муҳитни соғломлаштириш борасида, мамлакатимизда диний-маърифий соҳада амалга оширилаётган ислоҳатлар,вилоят диний соҳа вакиллари томонидан амалга оширилаётган ишлар ҳақида йиғилганларга маълумот берди.
Самарқандлик зиёратчилар Умра сафарига кузатиб қўйилди
Олдин хабар берганимиздек, Умра сафарининг янги мавсуми бошланган эди. Бугун, 30 ноябрь куни Самарқанд вилоятидан 229 нафар зиёратчиларнинг иккинчи босқич гуруҳларини вилоят вакиллигида кузатиш маросими бўлиб ўтди. Унда Самарқанд вилоят бош имом-хатиби З.Эшонқулов, ҳокимликларнинг масъул вакиллари ҳамда зиёратга борувчиларнинг яқинлари иштирок этди. Самарқанд вилоят бош имом-хатиби З.Эшонқулов Умра сафарининг тартиб қоидалари, сафар интизоми ҳақида тушунчалар бериб, зиёратлари мақбул, мабрур ва бехатар бўлишини сўраб дуои хайрлар қилди. Зиёратчилар бугуннинг ўзидаёқ Тошкент-Жидда йўналиши бўйлаб Саудия Арабистонига парвоз қиладилар.
Ушбу гуруҳдан олдин Умра сафарига кетган зиёратчиларимиз муборак Макка шаҳрида зиёратларини адо этмоқдалар. Эслатиб ўтамиз, улар эртага, 1 декабрь куни Тошкент шаҳрига учиб келадилар.
Сайловга тайёргарлик жараёнларида имом-хатиблар иштироки
Самарқанд туманидаги “Agromir-Samarkand” қўшма корхонасида Тадбиркорлар ва ишбилармонлар ҳаркати Ўзбекистон – Либерал-демократик партияси томонидан “Янги Ўзбекистонни биргаликда қурамиз” шиори остида тарғибот тадбири ўтказилди. Тадбир давомида Самарқанд тумани ҳудудидан Олий Мажлис Қонунчилик палатаси ва маҳаллий Кенгашларга O‘zLiDePдан кўрсатилган номзодлар сайловчилар билан учрашди.
Ушбу тадбирда Самарқанд туман бош имом-хатиби Баҳодир Шарипов ҳам иштирок этиб, Ватан равнақи, халқ фаровонлиги, юрт тинчлиги йўлида ҳамма бирдек масъуллиги ҳақида ўз фикр ва таклифлари билан ўртоқлашди.
