СИЗНИ КЎРГИМ КЕЛДИ Ё РАСУЛАЛЛОҲ
Макка-ю Мадина кўчаларида,
Сизни кўргим келди ё Расулаллоҳ.
Рабиъул аввалнинг кечаларида,
Сизни кўргим келди ё Расулаллоҳ.
Соғиндим, соғиндим дийдорингизни,
Зиёратлар қилдим мозорингизни.
Афсус кўролмадим рухсорингизни,-
Сизни кўргим келди ё Расулаллоҳ.
Бир аҳли суннатман-сизга умматман,
Савоблари йўғу, гуноҳ-ла бандман.
Шунча ёмонликлар қилиб, ҳарчандман,-
Сизни кўргим келди ё Расулаллоҳ.
Тушларимда кўпмас бир бор кўрсайдим,
Нурли юзингизга боқиб тўйсайдим.
Армоним қолмасди кейин ўлсайдим,-
Сизни кўргим келди ё Расулаллоҳ,
Исрофил қори ИСМОИЛОВ - Ургут туман “Чубин” жоме масжиди муаззини
Киритилган вақти: 02/11/2019 16:26; Кўрилганлиги: 1725
Чоп этилган вақт: 28/03/2024 20:50