18 январ кунидан бошлаб Ўзбекистон мусулмонлари идораси тизимидаги вилоят, туман ва шаҳар бош имом-хатиблари Ўзбекистон халқаро ислом академиясида икки хафталик малака ошириш ўқув курсини бошланган эди.

Бугун академяда ўз билим ва малакаларини ошираётган имом-хатиблар  Ислом институтида бўлиб талабалар билан учрашув ўтказди. Унда Самарқанд вилоят бош имом-хатиби З.Эшонқулов сўзга чиқиб, Маъҳад талабаларига келгуси фаолиятларида эътибор қаратишлари лозим бўлган жиҳатлар ҳақида тўхталиб ўтди.

Жумладан, “Бугунги кунда имом-хатиб бепарво бўлиши мутлақо мумкин эмас. Масъулиятни ҳис қилиши, бузғунчи оқимлар тарғиб этаётган ғояларга қарши Аҳли сунна вал-жамоа, Мотуриридия таълимоти, Ҳанафий мазҳаби асосларида илмий раддиялар бера олиш кўникмасига эга бўлиши зарур”, деб айтиб ўтди.

Шунингдек, келгусида имом-хатиблик вазифасида фаолият юритиш ниятида бўлган ёшларга имом-хатибларнинг вазифалари, ушбу йўналишда кўп учраб турадиган муҳим масалалар бўйича тавсиялар берди.

Эслатиб ўтамиз малака ошириш ўқувиниг ушбу босқичида вилоят бош имом-хатиби билан биргаликда Самарқанд, Каттақўрғон шаҳарлари ва Нарпай, Тайлоқ, Қўшробод, Оқдарё, Иштихон туманларининг бош имом-хатиблари қатнашмоқда.

ЎМИ Самарқанд вилоят вакиллиги матбуот хизмати