Бутун дунёда коронавирус касаллиги кенг тарқалган ҳозирги оғир пайтда юртимиз аҳолисининг ёрдамга муҳтож қатламларини қўллаб-қувватлаш мақсадида  бугун Самарқанд  вилояти бош имом-хатиби Зайниддин домла Эшонқулов ташаббуси билан “ВАҚФ” хайрия жамоат фондининг Самарқанд филиали билан ҳамкорликда, Самарқанд шаҳри ва Нуробод туманидаги 150 нафар муҳтож оилаларга озиқ-овқат маҳсулотларини тарқатди.

Дарҳақиқат, кўнгли синиқ, бироз иқтисодий жиҳати оқсаган инсонга меҳр-оқибат кўрсатилса, у Ҳақ таолога чин кўнгилдан дуо қилади ва натижада унинг дуоси сабабли ўйлаган мақсадларимизга етамиз, мушкулларимиз арийди.

Демак, биз  ҳар бир кунни, соати, дақиқасини ғанимат билсак, эзгулик, хайр-саховат, юрт ободлиги ва Ватан тараққиёти йўлига сарф этсак, жуда катта ажру савобларга эга бўламиз, иншоаллоҳ.

ЎМИ Самарқанд вилоят вакиллиги матбуот хизмати