Самарқандда ўқув-семинар
Жорий 2016 йилнинг 5 феврал куни Самарқанд Давлат университети биносида фуқаролар йиғинларининг диний маърифат ва маънавий-ахлоқий тарбия масалалари бўйича маслаҳатчилари учун ўқув-семинари бўлиб ўтди. Юқори савияда ташкил этилган семинарда қатор нуфузли ташкилотлар вакиллари иштирок этдилар. Жумладан, Ўзбекистон “Маҳалла” хайрия жамоат фонди, Ўзбекистон Хотин-қизлар қўмитаси, Дин ишлари бўйича қўмита, Тошкент ислом университети, Ўзбекистон мусулмонлари идорасидан келган маърузачилар бугунги куннинг долзарб мавзуларига доир нутқлари билан қатнашдилар.
Ўзбекистон мусулмонлари идораси Самарқанд вилояти вакиллиги
Самарқанд вилоят бош имом хатиблиги 1977 йилда ташкил топган. Вилоят бош имом хатиблиги лавозимига Уламолар ҳайъати томонидан Самарқанд шаҳар “Хўжа Зудмурод” жоме масжиди имом хатиби Мустафоқул Меликзода тайинланган. Мустафоқул Меликзода Самарқанд вилоят бош имом хатиблиги фаолиятини 1977 йилдан 2000 йилга қадар “Хўжа Зудмурод” жоме масжидидан туриб олиб борган.
ХЎЖА АБДУ МЎЪМИН ЖОМЕ МАСЖИДИ
“Хўжа Абду Мўъмин” жоме масжиди Самарқанд шаҳарининг гўзал масжидларидан бири ҳисобланади. Шаҳарнинг Саттепо маскани, Туркистон кўчаси, 185-а уйда жойлашган. Ушбу масжид 1885 йилда валийсифат шахслардан бўлган Абду Мўъмин бобо бошчилигида ҳашар йўли билан қурилган ва шу инсон номига “Хўжа Абду Мўъмин” деб номланган.
ХАЙРИЯ ДАСТУРХОНИ
Жорий йилнинг 20 январ куни Самарқанд шаҳар "Намозгоҳ" жоме масжиди имом-хатиби Ҳамзахон Пўлатов ҳомийларни жалб этган ҳолда Имом Бухорий халқаро маркази тингловчилари ва ишчи ходимлардан иборат юз нафар кишига тушлик дастирхонини ёзди.
ОЛИЙ ВА ЎРТА МАХСУС ТАЪЛИМ МАСКАНЛАРИДА УЧРАШУВ
Ўзбекистон мусулмонлари идораси Самарқанд вилоят вакиллиги томонидан 2016 йил январ ойининг 12-19 кунларига мўлжалланган “Таълим муассасалари педагог ўқитувчилари, талаба ва ўқувчилари ҳамда ота-оналар билан учрашувлар ўтказиш” дастури бўйича Самарқанд шаҳрида жойлашган иккита университет, олтита институт, ўн битта касб-ҳунар коллеж ва иккита академик лицейда кенг доирадаги учрашувлар бўлиб ўтди.
ҚЎШБАҚҚОЛИ ЖОМЕ МАСЖИДИ
Ушбу масжид 1996 йил ҳашар йўли билан қурилди ва 1998 йилдан расмий масжид сифатида фаолиятини бошлади.
ОГОҲЛИК-ПОРЛОҚ КЕЛАЖАК АСОСИ
Жорий 2016 йилнинг 16 январ куни Самарқанд маиший хизмат касб -ҳунар коллежи мажлислар залида коллеж ўқитувчи ва талабалари ҳамда ота-оналар билан тинчликни асраш, диний вазиятни соғломлаштириш, ижтимоий муҳитни барқарорлаштиришга доир учрашув бўлиб ўтди. Унда вилоят прокуратураси бўлим бошлиғи ўринбосари Т.Қодиров, вилоят ИИБ тезкор вакили Б.Аминов, вилоят бош имом хатиби ўринбосари З.Эшонқулов, Имом Бухорий халқаро маркази директори ўринбосари Б.Тўраевлар иштирок этдилар.
МИЛЛИЙ ВА ДИНИЙ ҲАМЖИҲАТЛИК - ТИНЧЛИК ВА ТАРАҚҚИЁТ ОМИЛИ
Жорий 2016 йилнинг 16 январ куни Самарқанд шаҳрида “Миллий ва диний ҳамжиҳатлик – тинчлик ва тараққиёт омили” мавзусида миллий маданий марказлар, Дўстлик жамиятлари, диний конфессиялар вакиллари ҳамда аҳоли билан маданий-маърифий тадбир бўлиб ўтди. Унда кўплаб ташкилотлар вакиллари қаторида вилоят бош имом хатиби Н.Исламов, бош имом хатиб ўринбосари З.Эшонқулов, шунингдек, Самарқанд шаҳри ва унга туташ туманлардан 100 нафарга яқин имом хатиблар ҳам иштирок этдилар.
ОБИ РАҲМАТ ЖОМЕ МАСЖИДИ
Оби Раҳмат жоме масжиди маҳалла аҳли ташаббуси билан қад кўтарган.
1992 йили масжид пойдеворига асос солиниб, 1995 йилгача аста секин, ҳашар йўли билан бино бўлган. Масжид учта маҳалланинг ўртасида бўлиб, шу маҳаллаларда яшайдиган аҳолининг ушбу масжид бино бўлишида ҳиссалари каттадир.
"САРҲИСОБ" ТАНЛОВИ ТАҚДИРЛАШ МАРОСИМИ
Шу йил 12 январ куни Ўзбекистон мусулмонлари идорасининг мажлислар залида «Сарҳисоб» танловининг ғолиб ва иштирокчилари учун тақдирлаш маросими бўлиб ўтди.
МУРУВВАТ УЙИГА ҚИЛИНГАН САХОВАТ
Ҳурматли Президентимиз томонларидан аҳолини яшаш шароитини яхшилаш, айниқса ўзгалар ёрдамига муҳтож, ёлғиз кексалар ва ногиронларни қўллаб қўватлаш, уларга яқиндан ёрдам бериб, аҳолини турмуш тарзини оширишга катта аҳамият берилиб, бу борада бир қанча Қарор ва Фармойишлар чиқарилган.
Халқаро аҳвол ва хавфсизликни таъминлаш
Жорий йилнинг 25 ноябр куни Самарқанд вилояти Пайариқ тумани Челак қишлоқ хўжалик коллежи мажлислар залида “Халқаро аҳвол ва хавфсизликни таъминлаш” масаласи юзасидан аҳоли билан учрашув бўлиб ўтди. Йиғилишда туман ҳокими А.С.Жўраев, вилоят бош имом хатиби ўринбосари З.Эшонқулов, маҳалла оқсақол ва фаоллари ҳамда коллеж ўқитувчилари иштирок этишди.
ХАЛҚИМИЗ БОР БЎЛСИН
2015 йилнинг 23 ноябрь куни эрталаб соат 04.00 атрофида Самарқанд шаҳри Сўзангарон маҳалласида жойлашган “Хўжа Нисбатдор” жомеъ масжидида ёнғин юз берди. Кўнгилсиз ҳодисанинг келиб чиқишига масжид ёнидаги савдо дўкони билан айвон туташган қисмида электр симларининг қисқа туташуви сабаб бўлган. Оқибатда масжиднинг қўшимча айвонларига зарар етган. Ҳодисадан хабар топган маҳалла аҳли зудлик билан ўт ўчириш ходимларига хабар берган.
РОССИЯ ДИН ПЕШВОЛАРИ САМАРҚАНДДА
Юртимизда меҳмон бўлиб турган Россия Федерациясининг Свердловск вилояти мусулмонлари идораси раиси, муфтий Абдулқуддус Ашарин бошчилигидаги делегация жорий йилнинг 14 ноябрь куни Самарқанд вилоятига ташриф буюрди. Меҳмонларга Самарқанд вилояти бош имом-хатиби Нуриддинхон Исламов, бош имом-хатиб ўринбосари Зайниддин Эшонқулов ва бошқа масуъллар ҳамроҳлик қилишди.
ВАРШ ҚИРОАТИДА ЎҚИГАН ИМОМ
Ўзбекистон мусулмонлари идорасида жорий йил 3 ноябрь куни ўтказилган “Йил имоми – 2015” кўрик танловининг республика босқичида Самарқанд шаҳар “Хўжа Абду Дарун” жоме масжиди имом ноиби Қамариддин Баҳриев фахрли иккинчи ўринни эгаллагани ҳақида хабар қилган эдик.
