Urgut tumanida imom-xatiblarning sayyor yig‘ilishi bo‘lib o‘tdi
Xabar berganimizdek bugun, 25 fevral kuni O‘zbekiston musulmonlari idorasi Samarqand viloyat vakilligi navbatdagi yig‘ilishni sayyor tarzida Urgut tumanida o‘tkazishini rejalashtirgan edi. Ushbu sayyor yig‘ilishga viloyatdagi barcha shahar va tuman bosh imom-xatiblari, Urgut tumanida faoliyat yuritayotgan 61 ta masjid imom-xatib va imom noiblari jalb etildi.
Urgut tumanida sayyor yig‘ilish o‘tkazilmoqda
O‘zbekiston musulmonlari idorasi Samarqand viloyat vakilligi navbatdagi yig‘ilishini sayyor tarzida bugun, 25 fevral kuni Urgut tumanida o‘tkazishni rejalashtirgan. Ushbu sayyor yig‘ilishga viloyatdagi barcha shahar va tuman bosh imom-xatiblari, tajribali, notiq imom-xatiblar jalb etildi.
Dastlab imom-xatiblar guruhlarga bo‘lingan holda Urgut tumanida joylashgan masjidlarga tarqaldilar. Ko‘zlangan maqsad, masjid faoliyati bilan tanishish, ta'lim maskanlari, mahalla va korxonalarda bo‘lib, aholi bilan uchrashish, joylardagi qabriston, bozorlar faoliyati bilan tanishish edi. Hozirgi daqiqagacha ko‘zda tutilgan barcha ishlar amalga oshirildi. Kuzatuvchi tarzida tashrif buyurgan imom-xatiblar joylardagi masjidlarda peshin namozini ado etib, jamoat bilan hozirgi islohotlar, shukronalik fazilati kabi mavzularda suhbatlar uyushtirdi.
Umraning fazilatlari bisyor
Ibn Umar roziyallohu anhumodan rivoyat qilinadi: Rasululloh sollalohu alayhi va sallam aytdilar: — “Kim mana bu Baytulloh – Ka'batullohni yetti bor sanab tavof qilsa va (tavofdan keyin) ikki raka'at namoz o‘qisa, bir qulni ozod qilgandek (savobga erishgan) bo‘ladi. Uning har bir bosgan va ko‘targan qadami sababli Olloh undan bir gunohni kechirib, u sababli unga bir yaxshilik – savob yozadi”. (Termiziy, Nasoiy, Ibn Moja, Hokim rivoyatlari).
Darhaqiqat, Umrada savob ko‘p. Uni ado etishda sunnatda belgilangan odob va tartibiga rioya qilinsa hadisi shariflarda bashorati berilgan savoblarga kishi doxil bo‘ladi. Hozirgi kecha-kunduzda Samarqand viloyatidan borgan 244 nafar ziyoratchilarimiz Makka shahrida bo‘lib, ziyorat va ibodatlarini ado etmoqda. Ularga besh nafar tajribali, salohiyatli imom-xatiblarimiz rahbar sifatida ibodatlarini mukammal bo‘lishi, muammo va qiyinchiliklarga duch kelmasliklari uchun sa'y harakat qilmoqda. O‘zlarining ma'ruza va ko‘rsatmalari bilan ziyoratchilarga Umra ibodatining shartlari, odob va tartiblari, muqaddas maskanlarning tarixi kabi mavzularda tushunchalar berib bormoqda.
Qo‘shrabot tuman “Domla Kamoliddin Oxun” jome masjidi obodonlashtiriladi
Qo‘shrabot tumanida joylashgan “Domla Kamoliddin Oxun” jome masjidi va Domla Kamoliddin hazratlarining maqbarasini ta'mirlash, atrof hududni obodonlashtirish ishlari rejalashtirilgani haqida xabar bergan edik. Samarqand viloyat hokimi E.Turdimov, viloyat bosh imom-xatibi Z.Eshonqulov va mutaxassis hamda mas'ullar 23 fevral kuni mazkur maskanda bo‘ldilar. Mehmonlar dastlab Kamoliddin Oxun hazratlarining qabrlarini ziyorat qilib, Qur'oni karim tilovati va duolar qilindi. Shundan so‘ng mahalliy aholi vakillari, nuroniy otaxon va namozxonlar bilan uchrashuv bo‘lib o‘tdi. Ushbu maskanni obod etish uchun tayyorlangan loyiha bilan tanishuv bo‘lib, mutasaddilarga bu borada viloyat hokimi tomonidan tegishli ko‘rsatma va tavsiyalar berildi.
Chekka hudularga tashrif
O‘MI Samarqand viloyati vakilligi rejasiiga binoan notiq, tajribali imom-xatiblar viloyatimizning chekka hududlaridagi jome masjidlarga borib Juma nomozini ado etish va nomozxonlar bilan suhbat o‘tkazish belgilangan.
Viloyat bosh imom-xatibi o‘rinbosari X.Sattarov maktabgacha ta'lim muassasasida bo‘ldi
Samarqand viloyat bosh imom-xatibi o‘rinbosari X.Sattarov bugun, 20 fevral kuni Jomboy tuman “Eski Jomboy” mahallasida joylashgan “Yulduzcha” nodavlat maktabgacha ta'lim muassasasida bo‘ldi. Bolajonlar uchun yaratilgan sharoitlar bilan tanishib, ularga esdalik sovg‘alari ulashildi. Shundan so‘ng ushbu ishga bosh-qosh bo‘layotgan mutasaddilar, tarbiyachi va xodimlar bilan suhbatlashib, bola tarbiyasidagi mas'uliyat haqida so‘z yuritdi hamda farzandlarimizning salohiyatli, ilm va diyonatli, kelajkada xalqi va diniga manfaatli farzandlar bo‘lib voyaga yetishlarini tilab duoi xayrlar qildi.
Allohga eng sevimli inson, odamlarga ko‘p manfaati tegadigan kishidir
“Nabiy sollallohu alayhi vasallam: “Mo‘min misoli maysaga o‘xshaydi. Uni shamol doimo u yoq-bu yoqqa egib turadi. Mo‘minga doimo balo yetib turadi. Kofir misoli Arz daraxtiga o‘xshaydi. Qimirlamay turib, birdan tomiridan qo‘poriladi”, dedilar”. Ikki shayx va Termiziy rivoyat qilishgan.
Yurtimiz bo‘ylab tahoratxona va namozxonalar quriladi
O‘zbekiston Respublikasi normativ-huquqiy hujjatlar loyihalari muhokamasi partaliga “O‘zbekiston Respublikasida turizm xizmatlarini yanada diversifikatsiya qilish chora-tadbirlari to‘g‘risida”gi Prezident qarori loyihasi jamoatchilik muhokamasiga qo‘yildi. Unga ko‘ra, moddiy madaniy meros obyektlari hududlarida joylashgan, diniy tadbirlar va marosimlar, namoz o‘qish va ibodat uchun mo‘ljallangan diniy binolarga tashrif buyurgan shaxslardan to‘lov undirish taqiqlanadi.
Haj va umra uchun yangi aviakompaniya ochiladi
Bugun Toshkent shahrida Uzbekistan Airports, Aviation&Logistics Forum (UAALF-2020) xalqaro aviatsiya forumida qatnashayotgan Bosh vazir o‘rinbosari, Turizmni rivojlantirish davlat qo‘mitasi raisi Aziz Abduhakimovning ma'lum qilishicha, tez orada O‘zbekistonda Vazirlar Mahkamasi huzuridagi Din ishlari bo‘yicha qo‘mita, O‘zbekiston Musulmonlari Idorasi va Saudiya Arabistoni Podshohligining “Hidaya Groups” kompaniyasi hamkorligida Hidaya Airlines nomli yangi aviakompaniya ochiladi.
Bu aviakompaniya O‘zbekiston va Saudiya Arabistoni o‘rtasida umra safari uchun bevosita parvozlarni hamda “Umrah+“ dasturi bo‘yicha Indoneziya, Malayziya kabi davlatlardan umra safariga boruvchilarning O‘zbekiston orqali parvoz qilishlarini tashkillashtiradi.
Manba: Azon.uz
Baxt qo‘rg‘oni mustahkam bo‘lsin
Islom dini ta'limoti oilaga va uni ikki dunyoda saodatli bo‘lishiga alohida e'tibor qaratdi. Alloh taolo oila farog‘ati va farovonligi, tinchligi va mustahkam bo‘lishi, unda tavallud topgan farzandlar barkamol bo‘lishi yo‘lida zarur bo‘lgan barcha tavsiyalarni bayon qilgan. Odatda oilalarda ajrim holati kuzatilganda er xotiniga “Taloq” so‘zini aytadi. Vaholanki, “Taloq” so‘zi aytilganda Alloh taoloning Arshi larzaga keladi. Taloq Allohning yomon ko‘rgan halollaridan bo‘lib, u oxirgi chora sifatida joriy qilingandir. Payg‘ambar alayhissalom shunday marhamat qilganlar: “Halol narsalar ichida Alloh uchun eng yomoni taloqdir” (Abu Dovud, ibn Moja, Hokimlar rivoyati).
Viloyat vakilligida imom-xatiblar ishitrokida yig‘ilish bo‘lib o‘tdi
Bugun, 18 fevral kuni Samarqand viloyat vakilligi binosida shahar, tuman bosh imom-xatiblari hamda Samarqand shahar va Samarqand tuman masjidlarining imom-xatiblari ishtirokida navbatdagi yig‘ilish bo‘lib o‘tdi. Yig‘ilishda Samarqand viloyat hokimining o‘rinbosari D.Mamadqulov ham ishtirok etdi. D.Mamadqulov so‘zga chiqib, viloyatda ijtimoiy-ma'naviy muhitning barqarorligini ta'minlash, diniy-ma'rifiy ishlarning samaradorligini oshirish hamda aholi orasida diniy ekstremizm va terrorizm holatlarini oldini olish, viloyatda muntazam ravishda mahallalarda ijtimoiy-ma'naviy muhitni barqarorlashtirish, oilalarni mustahkamlash, maxsus hisobdan chiqarilgan va afv etilgan shaxslar bilan alohida suhbatlar o‘tkazilib, har birining oilasi va farzandlarining tarbiyasi, ularning ta'lim olishi, to‘garaklarga jalb etilishi yuzasidan o‘zining takliflarini bildirdi.
Samarqandlik ziyoratchilar Umra safariga jo‘nab ketdi
Bugun, 18 fevral kuni Samarqand viloyatidan 242 nafar ziyoratchilar Umra safariga yo‘l oldilar. Keyingi vaqtlarda Umra safariga borish niyatida bo‘lgan fuqarolarimiz uchun keng imkoniyat va qulayliklar yaratilmoqda. Albatta bundan xalqimiz xursand. Ushbu mamnuniyatni ziyoratga otlangan yurtdoshlarimizning yuzlarida ham ko‘rishimiz mumkin. Ularni viloyat vakilligida viloyat bosh imom-xatibi hamda imomlar, mas'ul tashkilotlarning vakillari, ziyoratchilarning yaqinlari kuzatib qo‘ydilar. Ularning haqlariga duolar qilinib, safar davomida ibodat va duolari ijobat bo‘lishini hamda yurtimiz va xalqimiz haqlariga duo qilishlari so‘raldi.
Urgut tumanidagi “Bog‘ishamol” masjidida qurilish ishlari jadal olib borilmoqda
Yaratganga shukrlar bo‘lsinki, yurtimizdagi masjidlar kundan-kunga obod bo‘lmoqda. Ko‘plab masjidlar zamonaviy shaklda ta'mirlanib, chiroyli va qulay holatga keltirilayotgan bo‘lsa, bir qanchasi tubdan yangidan qurilmoqda. Samarqand viloyati Urgut tumanida bugungi kunda 9 ta masjidda qayta qurish, ta'mirlash ishlari olib borilmoqda. 2018 yilda tumandagi “Bog‘ishamol” masjidida yangi bino qurilishi boshlangan edi. Bugunga kelib masjid binosi qad rostlagan, tom qismi yopilgan bo‘lib, gumbaz, eshik-romlar o‘rnatilgan. Mahalliy, qo‘li gul ustolar tomonidan pardozlash, jihozlarni o‘rnatish ishlari olib borilmoqda. Masjid imom-xatibi Samiyev Abdukarimning ta'kidlashicha masjid 2021 yil mustaqillik bayrami arafasida namozxonlarga tuhfa qilinishi rejalashtirilgan. Unda 4500 nafar namozxon o‘z ibodatlarini ado etish imkoniga ega bo‘ladi. Albatta masjidlarni obod etish hamda ularni ta'mirlash ulug‘ savobli amallardir. Masjidga ibodat qilish uchun kelgan xalqimiz ona-Vatan tinchligi, xalq osoyishtaligini so‘rab, duo qilishadi.
Umra ziyoratingiz qabul bo‘lsin!
Samarqand viloyatidan Umra ziyoratiga borgan 196 nafar ziyoratchilarimiz Madinai munavvara shahridagi tabarruk maskanlarni ziyorat etib, bugungi kunda Makka shahrida bo‘lib turibdilar. Umra ziyoratlarini ado etayotgan yurtdoshlarimizning kayfiyatlari a'lo darajada. Ularga rahbarlik qilayotgan guruh rahbarlari ziyoratchilarimizning ibodatlarini mukammal ado etishlari, mehmonxona va ttransport xizmatlari, taomlanishlarida qiyinchiliklarga uchramasliklari uchun sa'y-harkat qilmoqdalar.
SERTIFIKATLAR TOPSHIRILDI
Samarqand viloyatida faoliyat yuritayotgan otinoyilarining bilim va saviyasini yanada oshirish, ularni yurtimizda amalga oshirilayotgan ulkan islohotlardan xabardor etish hamda ish jarayoniga ma'suliyat bilan yondashish maqsadida 2019 yil 16 sentyabrdan boshlab 2 hafta (72 soatlik) malaka oshirish o‘quvlarini tashkil etish rejalashtirilgan.
