Ё расул, тангримга бўлибсан суюк,

Ҳидоят йўлингдир, иймон маёғинг.

Инсонга нечоғлик раҳматдир буюк,

Сенинг ёққан нуринг, сенинг чироғинг.

Кунлар йироқлашиб замондан замон.

Соғинган кўнгиллар талпинар ҳамон.

Қанчалик азиздир шунчалик армон,

Сен пок вужудинг, сенинг дудоғинг.

Ё расул, умматлар сонича салом,

Васфингда ожиздир бу ғариб калом.

Иймонли дилларни ўртайди мудом,

Сенинг соғинчларинг, сенинг фироғинг.

Ё роббим, раҳм қил ожиз умматга

Мақоми маҳмудни бер Муҳаммадга

Раҳм қил, мушкулдир олсанг шиддатга

Сенинг ҳисобларинг, сенинг сўроғинг