Ўлимингиз олдидан: Менинг танамга нима бўлар экан?,‒ деб қайғурманг... Одамлар керакли ишларни қиладилар: Кийимларингизни ечадилар... Ювадилар... Кафанлайдилар...

Ва хонадонингиздан чуқурингиз (қабрингиз)га олиб кетадилар...Кўпчилик жанозангизда иштирок этиш учун ишларини тўхтатади. Ҳолбуки уларнинг кўплари сизнинг бу «насиҳатингиз» ҳақида бирон кун ҳам ўйлаб кўрмайди... Буюмларингиздан қутилиш учун йўл қидирилади... Агар оилангиз рози бўлса: Калитларингиз... Китоб ва сумкаларингиз... Пойафзал ва кийимларингизнинг ҳар бири сизга наф келтирар деган умидда садақа қилинади... Унутманг! Дунё ҳеч қачон сизга мотам тутмайди... Жаҳон ва иқтисод ўз йўлида давом этаверади... Мансабингизга бошқа одам ўтиради... Молу мулкингиз ворисларингизга улашилади... Сиз эса топган молу дунёйингизнинг каттаю кичигидан ҳисобот берасиз!

Қайғунинг бир неча тури бор: Сизни юзаки таниганлар ўлганингизни эшитгач: «Вой, бечора!»‒ дейдилар... Сизни яхши таниган дўстларингиз бир неча соат қайғу асоратида қолсаларда, яна эски одатлари: ўйин‒кулгуларига қайтишади... Чуқур қайғу хонадонда бўлади... Оила аъзоларингиз бир ҳафта ёки бир ой ёхуд бир йил хотирлашади ва сизни «архив»га қўйишади! Шундай қилиб одамлар ўртасидаги ҳикоянгиз тугайди... Энди сизга одамларнинг кўкка чиқариб мақташлари, ерга уриб қоралашларининг фойдаси йўқ... Чунки охират ҳаётингиз бошланган бўлади... Шундай экан сизга битта саволим бор: Қабрингиз ва охиратингиз учун нима қилдингиз?! Доимо Аллоҳдан қўрқинг, Аллоҳнинг розилиги учун тиришинг! Аллоҳнинг ризоси ва мағфирати учун шошилинг! Чунки Аллоҳ таоло мағфират ва раҳм қилгувчи Зотдир! Аллоҳим, оқибатимизни хайрли қил ва биздан рози бўл!!!!

Жаҳонгирхон Аброров - ЎМИ Самарқанд вилоят вакиллиги матбуот котиби (манбалар асосида)