Халифа Рашид кунларнинг бирида Имом Абу Юсуфга деди:
— Абу Ҳанифанинг хулқларини менга тавсифлаб беринг.
У зот дедилар:

— Аллоҳ таоло айтади: «У бирор сўз айтмас, магар ҳузурида (фаришта) ҳозиру нозир» (Қоф сураси 18-оят). Аллоҳ таоло ҳар бир айтувчининг сўзидан ҳам яхши билгувчи Зотдир! Мен билган Абу Ҳанифа:
1) Аллоҳ таоло ҳаром қилган нарсаларга яқин келишдан ҳам ўта эҳтиёткор эдилар;
2) Аллоҳнинг дини борасида билмаган нарсасини айтишдан қаттиқ тақводор эдилар;
3) Аллоҳга итоат қилишни севар ва осий бўлишни ёқтирмас эдилар;
4) Дунё аҳлидан дунёлари ичида йироқ эдилар;
5) Узоқ сукут сақлар, кўп зикр қилар ва кенг илм соҳиби эдилар;
6) Кўп куладиган ва кўп гапирадиганлардан эмасдилар;
7) Агар бир масала у кишидан сўралса, бу борада илми бўлса сўзлар ва эшитганига кўра жавоб берар эдилар;
8) Агар аксинча бўлса, ҳаққа бош эгар ва унга эргашар эдилар;
9) Нафсини ва динини сақловчи эдилар;
10) Илм ва мол борасида сахий эдилар;
11) Ўз касблари ила одамлардан беҳожат эдилар;
12) Ғийбатдан узоқ эдилар ва бирор кишини эсласалар, фақат яхшилик билан эслар эдилар.
Халифа Рашид деди:
— Бу солиҳ зотларнинг хулқларидир.
Сўнг котибга буюриб, деди:
— Ушбу сифатларни ёз ва уни ўғлимга юбор. Уларни ўргансин!

Аллоҳ барча солиҳ зотлардан рози бўлсин!

Шайх Луъай Халилий ал-Ҳанафий ҳафизаҳуллоҳ