Имом Мотуридийнинг тўлиқ исми манбааларда Муҳаммад ибн Муҳаммад ибн Маҳмуд Абу Мансур Мотуридий Самарқандий (ваф. 333/944 й) деб қайд қилинган.

Абу Мансур Мотуридий Самарқанд яқинида жойлашган Мотурид қишлоғида туғилиб, шу ерда истиқомат қилгани учун унга “ал-Мотуридий” нисбаси берилган. Зубайдий “Ихтоф ас-сода ал-муттақин” номли китобида айрим манбааларда Абу Мансур Мотуридийнинг исмидаги Маҳмуддан кейин Муҳаммад исми борлиги ва олимга ал-Ансорий нисбаси ҳам берилганини таькидлаган. Яна бир араб тадқиқотчиси Доктор Муҳаммад Айюб Али Абу Мансур Мотуридийга нисбатан Ансорий нисбасини қўллаш асосли деб ҳисоблаган. У бунга Мотуридийнинг “Китобут-тавҳид” асарининг айрим қўлёзмалари ҳошиясида учратганини айтади. Бироқ, бошқа араб тадқиқотчиси Аҳмад ибн Авазуллоҳ Ҳазбий Абу Мансур Мотуридийга Ансорий нисбаси берилганини асоссиз деб хулоса қилган.

 Аброров Жаҳонгирхон манбаалар асосида