G‘azal mulkin sultoni,

Adab, hikmat irfoni,

Besh asrkim yangraydi,

Turkiyda “Chor devon”i.

Olam ahli lol qoldi,

“Xamsa”dan huzur oldi,

“Hayratul abror” kabi,

Dillarga surur soldi.

Layliga dildor Majnun,

Farhodga diydor Shirin,

Yetolmayin Guliga,

Foniyga ketmoq qiyin.

Fardlari misli chiroq,

Dardlari misli firoq,

“Iskandar devori”ni,

Qurmoqqa imkon kerak.

Bobur, Furqat, Atoiy,

Cho‘lpon, Usmon, Sadoiy,

Bariga ustoz bo‘ldi,

Mir Alisher Navoiy.