Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Оқимлар

Аллоҳнинг борлигига ақлий далиллар ТЕМИР ОСМОНДАН НОЗИЛ БЎЛГАН...

 
 

Аллоҳ таолонинг каломини ўрганар эканмиз унинг нақадар буюк калом эканлигини, унинг ҳақиқатдан ҳам бутун оламларни яратган Зот айтганлигига яна бир бор амин бўламиз. Қандай қилиб бундай бўлмасин? Ахир Қуръон оддий бир инсоннинг гапи эмас, аксинча борлиқни яратган Аллоҳнинг сўзларидир. Аллоҳ яратган нарсасини ҳаммадан ҳам Ўзи яхши билади, яхши таърифлай олади.
Ҳаммамиз темир ҳақида биламиз. Ҳаётимизнинг асосий қисмига, ажралмас бўлагига айланган. Маъданлар ичида энг кўп фойдаланиладиган, манфаати кўп металлардан бири.

Аллоҳ таоло Қуръони каримда Ҳадид сурасида темир ҳақида қуйидагича марҳамат қилган:

لَقَدْ أَرْسَلْنَا رُسُلَنَا بِالْبَيِّنَاتِ وَأَنزَلْنَا مَعَهُمُ الْكِتَابَ وَالْمِيزَانَ لِيَقُومَ النَّاسُ بِالْقِسْطِ ۖ وَأَنزَلْنَا الْحَدِيدَ فِيهِ بَأْسٌ شَدِيدٌ وَمَنَافِعُ لِلنَّاسِ وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ ۚ إِنَّ اللَّهَ قَوِيٌّ عَزِيزٌ

"Темирни Биз нозил қилдик. Унда катта қувват ва одамлар учун манфаат бор” (Ҳадид сураси, 25-оят).
Эътибор берадиган бўлсак, Аллоҳ таоло “нозил қилдик” демоқда. Яъни ерни ўз маъданлари билан яратиб бўлгач, ер ўз шаклига келиб бўлганидан кейин Аллоҳ таоло унга темирни туширган. Бу гапни бутун оламларнинг Парвардигори айтмоқда.
Энди олимларнинг гапига қулоқ тутсак. Олимларнинг айтишича, темир юзага келиши учун шу қадар катта иссиқлик керакки, Қуёш системасида бунақа энергия бўлиши мумкин эмас экан. Яъни, олимлар темир ер яратилганидан кейин бошқа галлактикалардан учиб келиб қўшилганини аниқлашди. Хўш, бу ҳақиқатларни бир минг тўрт юз йил олдин чўлда юрган бир инсонга ким айтган экан? Албатта ўша борлиқни, темирни яратган Зот Аллоҳ таоло айтган.

Шайх Муҳаммад Мутавалли ШАЪРОВИЙ


Киритилган вақти: 24/03/2022 10:54;   Кўрилганлиги: 567
 
Материал манзили: https://www.sammuslim.uz/articles/movements/allohning-borligiga-aqliy-dalillartemir-osmondan-nozil-bolgan
Чоп этилган вақт: 29/03/2024 15:57
 
 
Ўқиш учун ушбу тугмани босинг