O‘zbekiston musulmonlari idorasi
Samarqand viloyati vakilligi
w w w . s a m m u s l i m . u z

Оила

Oilani erkak boqishi kerak emasmi? (Audio)

 
 

Savol: Assalomu alaykum Ustoz. Yaxshimisiz? Sizga savolim quyidagicha: qizimni uzatganimga 7 yil bo‘ldi. Alhamdulillax, kuyovim dinu-diyonatli deb, yaxshi niyatlar bilan havas qilib uzatgandim. Hozir ham yomon emas. Qizim uzatilgach, hijobga kirdi. Uch nafar farzandlik bo‘lishdi. Qaynona-qaynotasi bilan yashashadi. Menga hech ham gap tashimagan shu paytgacha. Keyingi paytlarda mazasi bo‘lmay, tushkunlikka tushib, yuragi og‘riydigan bo‘lib qoldi. Oxiri so‘rab surishtirib bildimki, u hech ham ko‘chaga chiqmas ekan.

Shu yillar mobaynida ikki haftada bir marotaba uyga keladi. Eri o‘zi olib kelib, o‘zi olib ketadi. Ko‘p qavatli uyda turishadi. Faqat shu 2 haftada bir marotaba ko‘chaga chiqadi uyga kelganda. Shunda ham podyezdning tagidan mashinaga o‘tiradi va uyga qaytayotganida ham shunaqa. Qizim oliy ma'lumotli. Ishlatish niyatligi yo‘q. Qarindosh-urug‘, bordi-keldiga ruxsat yo‘q. To‘y-hashamlarga ham ruxsat yo‘q. Kaltaklarkan, urarkan. Eridan juda qo‘rqib qolgan. Qizimdan xavotirdaman. Farzandlari bog‘gacha bormaydi. Gap-so‘zlari ham g‘alati bo‘lib qolgan, tarki dunyo qilganga o‘xshaydi. San farzandlaringga keraksan, sog‘ligini o‘yla, farzandlaring bog‘chaga borsin, o‘zing ham o‘sha yerda ishlasang bo‘ladi-ku, desam. Unga ham yo‘q deyishibdi. Bularni bilib kechalari uxlolmay chiqayapman. Eri ham ishlamaydi. Ishlasam, namozlarim qolib ketadi, der ekan. Ilojini qilsa, shunaqa ish topsa bo‘ladi.ku namozlarini ham qazo qildirmaydigan. Keyingi paytda juda qiynalib qolishgan. Moddiy tarafdan. Ota-onasining nafaqa puliga yashashadi. Bolalariga kashaga sutni ham qiynalib so‘raydi qaynonasidan qizim. Men pul bervoray desam, yo‘q emish, ularning nafsoniyatiga tegarmish... Juda hafaman. Nima qilay?.. Oilani erkak boqishi kerak emasmi?.. Ko‘p qavatli uyda, to‘rtta devor, hech qayerga chiqarmasligi to‘g‘rimi? Shu muammolar haqida fikringizni bilmoqchi edim. Shular haqida ma'ruzalar qilsangiz, yaxshi bo‘lardi. Ko‘pchilik eshitardi. Ha. yana bir gap. Bizning diyorimizdagi olimlarimiz, imomlarimizning gapini olmas ekan kuyov... Ular so‘fiylar, derkan. Mazhabni tan olmaydi. Bularni yozayapmanu, ko‘zimdan yosh tinmayapti. Nima qilay? Boshim qotgan, maslahat bering. Allohim rozi bo‘lsin.

Javob: http://muslim.uz/index.php/media-17/mp3/item/23191-oilani-erkak-bo-ishi-kerak-emasmi-audio

Is'hoqjon domla Begmatov


Kiritilgan vaqti: 18/10/2020 14:50;   Ko‘rilganligi: 1084
 
Material manzili: https://www.sammuslim.uz/oz/articles/family/oilani-erkak-boqishi-kerak-emasmi-audio
Chop etilgan vaqti: 28/03/2024 22:22
 
 
O‘qish uchun ushbu tugmani bosing