Hazrati Alidan, roziyallohu anhu, rivoyat qilinadi:

"Payg‘ambar sollallohu alayhi va sallam, bir kuni mendan:

- Ey Ali, sega besh ming qo‘y beraymi yoki ham dunyo, ham oxirat uchun foydali besh kalimani o‘rgatayinmi? - deb so‘radilar.

- Yo Rasulalloh, besh ming qo‘y ozmuncha foyda emas. Biroq menga o‘sha besh foydali kalimani o‘rgatishingizni xohlayman, - dedim.

Shunda Rasuli akram, sollallohu alayhi va sallam, ushbu duoni o‘rgatdilar:

- Allohim, gunohlarimni mag‘firat qil. Menga keng fe'l va halol bir daromad nasib et. Nafsimni bergan rizqingga qanoatli qil va qalbimni O‘zing man' etgan narsalarga moyil qilib qo‘yma".

"Hikmatlar xazinasi" kitobidan.

O‘MI - Samarqand viloyat vakilligi matbuot xizmati