G‘oyibona duo qilish
Cavol: Birovlarni ko‘p g‘oyibona duo qiladigan inson yaxshi inson bo‘ladimi yoki ko‘p g‘oyibona duo qilinadigan insonmi?
Javob: Bismillahir Rohmanir Rohim. Albatta, ikkisida ham yaxshilik bor. Lekin hadisi shariflarda birovlarni g‘oyibona duo qilishga alohida targ‘ib qilingan.
Ummu Dardo raziyallohu anhodan rivoyat qilingan hadisda Rasululloh sollallohu alayhi vasallam aytadilar: “Musulmon kishining birodari haqqiga qilgan g‘oyibona duosi qabul bo‘luvchidir, uning boshi ustida bir farishta turadi, qachon birodariga yaxshilik tilab duo qilsa, farishta: “Omiyn, senga ham o‘shancha bo‘lsin”, deydi” (Imom Muslim rivoyati).
Hazrat Abu Bakr Siddiq roziyallohu anhu: “Alloh yo‘lidagi birodarning duosi ijobat qilinadi”, deganlar. Vallohu a'lam.
O‘zbekiston musulmonlari idorasi Fatvo markazi.
Kiritilgan vaqti: 26/02/2024 15:10; Ko‘rilganligi: 135
Chop etilgan vaqti: 28/04/2024 09:05