Ilm-ma'rifat ikki dunyo saodatidir. Ikki dunyo saodatini qo‘lga kiritish uchun aqlli bo‘lishning o‘zi kifoya qilmaydi. Inson aqlli bo‘lish bilan birga ilm-ma'rifat hosil qilsagina u ikki dunyo saodatini qo‘lga kiritadi. Shu sababli Islom dini barcha mo‘min-musulmonlarga ilm talab qilishni farz qildi.

Urgut tumanida joylashgan 15-maktabning 11- sinf o‘quvchilari bilan “Ilm-ma'rifatli inson siymosi”mavzusida davra suhbati bo‘lib o‘tdi. Unda ishtirok etgan “Ahmad Ochil” jome masjidi imom-xatibi Orif Primov so‘zga chiqib, Ilm-ma'rifat hosil qilishlik inson uchun baxt. Donishmandlardan biri:             “Insonning baxtliligi orzu-havaslarga yetishganligida emas, balki unga berilgan ne'matlar qiymatini anglab yetishdadir” degan ekan. Inson o‘ziga berilgan ne'matlarning qiymatini bilishi uchun ham unda ilm-ma'rifat bo‘lishi kerak. Ilm ma'rifatsiz kishi berilgan ne'matlar qiymatini anglab yetmaydi.

Ilm-ma'rifat inson uchun najot.  Bu haqda Imom Buxoriy hazratlari:

“Dunyoda ilmdan ortiq najot borligini bilmayman” deganlar”, deb qayd etdi.

O‘MI Samarqand viloyat vakilligi