O‘zbekiston musulmonlari idorasi
Samarqand viloyati vakilligi
w w w . s a m m u s l i m . u z

Xabarlar

Yurtimiz ulamolari o‘ksik ko‘ngillarga quvonch ulashmoqdalar

 
 

Avval xabar berganimizdek, muftiy Usmonxon Alimov hazratlari boshchiliklaridagi bir guruh ulamolar Andijon viloyatiga safarlari mobaynida hududdagi yordamga muhtoj kishilarning holidan xabar olib, shirin so‘zlari ila ularning qalblariga xursandchilik kiritmoqdalar.

O‘zbekiston musulmonlari idorasi raisining birinchi o‘rinbosari Homidjon domla Ishmatbekov va Toshkent islom instituti katta ustozi Muhammad Ayubxon domla Homidov ushbu viloyatdagi mana shunday e'tiborga muhtoj, ko‘ngli o‘ksik fuqarolardan bo‘lgan “Mehnat” mahallasida yashovchi, og‘ir dardga chalingan farzandning onasi Ahmedova Nilufar va “Yangihayot” mahallasida istiqomat qiluvchi, bemor Axmadaliyeva Xalimaxonga “Vaqf” xayriya jamoat fondi tomonidan oziq-ovqat mahsulotlari, diniy-ma'rifiy kitoblar jamlanmasi va pul mablag‘lari tarqatildi.

Muhtaram Prezidentimiz tomonlaridan olib borilayotgan insonparvarlik siyosati va yordamga muhtoj aholi qatlamini har jihatdan qo‘llab-quvvatlash ishlaridandan masrur qalblar ko‘rsatilgan yordam va muruvvatdan mamnun bo‘lib, minnatdorlik izhor qildilar.

Darhaqiqat, dini mubinimizda muhtojlarga yordam qo‘lini cho‘zishga doimo targ‘ib etiladi. Ulamolar mana shunday insonlar bilan dildan suhbat qilib, hadyalar ila ularning dillarini ravshan etmoqdalar.

Rasululloh sollallohu alayhi vasallam bir hadislarida: «Alloh taologa farzlardan keyingi eng sevimli amal musulmonning qalbiga xursandlik kirgizishdir», deganlar.
Hazrat Alisher Navoiy aytadilar:

Kimki bir ko‘ngli buzuqning xotirin shod aylagay,
Oncha borkim, Ka'ba vayron o‘lsa, obod aylagay.
Ha, mana shunday xayriya ishlari orqali shunday insonlarning siniq ko‘ngillarini ko‘tarib, dillariga mamnunlik ulashish har bir vijdonli inson uchun huzurbaxsh amallardan hisoblanadi.
Ulamolarning Andijon viloyati safari davom etmoqda.

O‘zbekiston musulmonlari idorasi Matbuot xizmati


Kiritilgan vaqti: 09/06/2021 10:27;   Ko‘rilganligi: 561
 
Material manzili: https://www.sammuslim.uz/oz/press/news/yurtimiz-ulamolari-oksik-kongillarga-quvonch-ulashmoqdalar
Chop etilgan vaqti: 28/03/2024 16:34
 
 
O‘qish uchun ushbu tugmani bosing