O‘zbekiston musulmonlari idorasi
Samarqand viloyati vakilligi
w w w . s a m m u s l i m . u z

Xabarlar

Muftiy Usmonxon Alimov hazratlari dunyoning eng nufuzli 500 musulmoni orasida

 
 

O‘zbekiston musulmonlari idorasi raisi, muftiy Usmonxon Alimov hazratlari jahonning eng nufuzli 500 musulmon ro‘yxatidan joy oldilar. Bu haqda «The muslim 500» nashri xabar bermoqda.

Ummonda joylashgan Sultonlik Islomiy ctrategik tadqiqotlar markazi tomonidan shu yilning 30 sentyabr kuni "Dunyoning eng nufuzli 500 musulmoni" ro‘yxati e'lon qilindi.

Ushbu ro‘yxat 2009 yildan beri Amerikaning George Town universiteti qoshidagi Shahzoda Al-Valid bin Talal markazi bilan hamkorlikda muntazam ravishda chop etib kelinadi.

Dunyoning eng qudratli musulmonlari ro‘yxatini pokistonlik Shayx Muhammad Taqiy Usmoniy boshlab beradi.

Ikkinchi o‘rinda Eron Oliy diniy ruhoniysi Oyatulloh Said Ali Homanaiy keladi. Abu Dabi valiahdi Zayd Al-Nahyon uchinchi o‘rinda.

Yuqori beshlikdan Iordaniya podshohi Abdulloh ibn al-Husayn va Saudiya Arabistoni podshohi Salmon ibn Abdul Aziz ol Saud joy olganlar.

Turkiya Prezidenti Rajab Toyib Erdo‘g‘on oltinchi o‘rinda.

O‘zbekiston musulmonlari idorasi raisi, muftiy Usmonxon Alimov hazratlari bir necha yillardan buyon ushbu ro‘yxatdan joy olib kelmoqdalar.

Markaziy Osiyo davlatlari orasida Tojikiston Prezidenti Imomali Rahmon va Turkmaniston Prezidenti Gurbanguli Berdimuhamedov ham eng nufuzli musulmonlar qatoridan joy olgan.

Amaldagi UFC chempioni Xabib Nurmagomedov ham taniqli musulmonlar ichida.

Ro‘yxatda musulmon liderlari yoki ulamolarining siyosatdan tortib din, matbuotdan tortib, san'at, ilm-fan va taraqqiyotga qo‘shgan hissalari ham inobatga olingan.

"Dunyoning eng nufuzli 500 musulmoni" ro‘yxati mualliflari bildirishicha, bu kabi tadqiqotlar Islom olamining dunyoga ijobiy ta'siriga xizmat qiladi, odamlarning Islom dinini yaqindan anglashlariga ko‘maklashadi va Islomning maqsadi tinchlik va taraqqiyot ekanini ta'kidlaydi.

O‘zbekiston musulmonlari idorasi Matbuot xizmati

Manba: muslim.uz


Kiritilgan vaqti: 02/10/2019 14:46;   Ko‘rilganligi: 938
 
Material manzili: https://www.sammuslim.uz/oz/press/news/muftiy-usmonxon-alimov-hazratlari-dunyoning-eng-nufuzli-500-musulmoni-orasida
Chop etilgan vaqti: 23/02/2024 12:10
 
 
O‘qish uchun ushbu tugmani bosing