“Haj – 2024” mavsumi ibodatu ziyoratlarini ko‘tarinki kayfiyatda nihoyasiga yetkazayotgan ziyoratchilarimiz joriy yilning 22 iyun – 12 iyul kunlari yurtimizga qaytib keladi.

 Yurtdoshlarimiz Jidda shahridan O‘zbekistonning 10 ta hududi – Toshkent, Namangan, Farg‘ona, Buxoro, Samarqand, Qarshi, Termiz, Navoiy, Nukus va Urganch shaharlariga “Uzbekistan Airways”ning to‘g‘ridan-to‘g‘ri aviqatnovlari orqali parvoz qilib, qaytib keladilar.

Tashish ishlariga “Uzbekistan Airways” aksiyadorlik jamiyatidan malakali uchuvchi va bort kuzatuvchilari jalb etilgan. Hojilarimizga havo sahnida turli taom va ichimliklar taqdim etiladi.

 Hamyurtlarimizning ibodatlari qabul, duolari mustajob bo‘lsin!

O‘zbekiston musulmonlari idorasi
Matbuot xizmati