Ўзбекистон мусулмонлари идораси
Самарқанд вилояти вакиллиги
w w w . s a m m u s l i m . u z

Хабарлар

Қадрли ойдаги қутлуғ ташриф

 
 

Муборак Рамазон ойи юртимиз бўйлаб кўтаринки руҳда, ўзгача тароват ила давом этмоқда. Юртдошларимиз гўзал ва шинам масжидларда эмин-эркин, тинчлик-хотиржамликда ибодатларни амалга оширмоқдалар. Ҳар бир намозхон қалбида розилик, шундайин диёрни насиб этган, уни офияту ноз-неъматлар билан ўраган Аллоҳ таолога шукроналик жўш уруб турубди.

Шундайин муборак дамларда самарқандликлар яна бир хурсандчилик, яна бир фарахбахш дамларга мушарраф бўлишди. 28 май Рамазон ойининг 2- куни Ўзбекистон мусулмонлари идораси раиси ўринбосари Иброҳим Иномов Самарқандга ташриф буюрди.

Ҳадис илмининг султони, муҳаддислар имоми қўним топган Имом Бухорий мажмуасига келган меҳмон, бу даргоҳга сўнги пайтларда амалга оширилган бунёдкорлик, ободончилик ишлари билан яқиндан танишди.

Таровеҳ намозини айнан “Имом Бухорий” жоме масжидида адо этган И.Иномов у ерда бўлаётган хатми Қуръон ва намозхонлар кайфияти билан танишиб, йиғилганларга муфтий ҳазратларининг саломларини етказди ҳамда тинчлик ва осойишталик неъмати, шукроналик, фарзандларни комил инсон этиб тарбиялаш каби долзарб мавзуларда сўз юритди.

Қадрли меҳмон маъруза давомида Рамазон ойи фазилати, бу ойнинг Қуръон ойи дейилишининг сабаби, унда қилиниши, эътибор қаратилиши лозим бўлган ишлар ҳақида тушунтириш бериб ўтди. Самарқанд вилоятида олиб борилаётган улкан ўзгаришлар янада равнақ топиши, эл-юрт тинчлиги ва мамлакат ободлиги, ҳаётимиз янада фаровон бўлишини тилаб дуои хайрлар қилди

Қуйида Пайариқ туманидаги Имом ал-Бухорий жоме масжиди ҳамда Самарқанд туманидаги Имоми Аъзам жоме масжидида ўтказилаётган Хатми Қуръон жараёнидан фотолавҳаларни эътиборингизга ҳавола этамиз

Самарқанд вилояти Пайариқ туманидаги Имом ал-Бухорий жоме масжидидан фото лавҳалар


Киритилган вақти: 29/05/2017 00:00;   Кўрилганлиги: 2181
 
Материал манзили: http://www.sammuslim.uz/press/news/qadrli-oydagi-qutlug-tashrif
Чоп этилган вақт: 15/11/2019 05:40
 
 
Ўқиш учун ушбу тугмани босинг