Qirg‘iziston Respublikasi prezidenti Sooronboy Jeenbekov va qirg‘izistonlik bir guruh ma'muriyat vakillari Umra ziyoratini bajarishdi. Bu haqda saudi-arabia.ru nashri xabar berdi.

Al Haram majsidida qo‘shni mamlakat ziyoratchilarini masjid maxsus xavfsizlik kuchlari qo‘mondoni general Yaxyo ibn Abdul Rahman al-Aqil tantanali kutib olgan.

Qirg‘iziston prezidenti matbuot xizmati bergan ma'lumotlarga ko‘ra, Saudiya Arabistoni podshohi Salmon bin Abdulaziz Al Saudning taklifisha binoan Qirg‘iziston delegatsiyasi 15–17 dekabr kunlari rasmiy tashrif bilan Saudiya Arabistonida bo‘lishgan.

Ushbu tashrif doirasida Qirg‘iziston Respublikasining Ar Riyoddagi elchixonasining yangi binosi ochilish marosimi tashkil etilgan.

O‘zbekiston musulmonlari idorasi Matbuot xizmati