O‘zbekiston musulmonlari idorasi
Samarqand viloyati vakilligi
w w w . s a m m u s l i m . u z

Xabarlar

Prezident 92 nafar mahbusni afv etdi. Ular orasida dindorlar ham bor

 
 

O‘zbekiston Respublikasi Prezidenti Sh.Mirziyoev qilmishidan chin yurakdan pushaymon bo‘lgan va tuzalish yo‘liga qat'iy o‘tgan ozodlikdan mahrum qilish jazosini o‘tayogan insonlar guruhini afv etish haqidagi farmonni imzoladi. Bu haqda Kun.uz xabar tarqatdi.       

Hujjatga ko‘ra, Konstitusiyamiz qabul qilinganining 27 yilligi va bosh qomusimizning 93-moddasi 23-bandiga ko‘ra ehtiyotsizlik oqibatida jinoyat sodir etgan, biroq qilmishidan chin yurakdan pushaymon bo‘lgan va tuzalish yo‘liga qat'iy o‘tgan 92 nafar mahbus afv etilgan.

Afv etilganlardan 20 nafari jazodan to‘liq ozod etiladi, 37 nafari — shartli ravishdan muddatidan avval ozod etiladi, yana 16 nafar shaxsga nisbatan belgilangan jazo yengilrog‘iga almashtiriladi, bir so‘z bilan aytganda, jazoni ijro etish muassasalaridan hamda probatsiya xizmati organlari hisobidan chiqariladigan fuqarolar soni 73 nafarni tashkil etadi. Bundan tashqari, yana 19 nafar shaxsga nisbatan ozodlikdan mahrum etish ko‘rinishida belgilangan jazo qisqartiriladi.

Afv etilganlar orasida 3 nafar erkakning yoshi 60 dan ortiq, 3 nafar ayol bor. 79 kishi muqaddam taqiqlangan tashkilotlar faoliyatida ishtirok etishgan.

Qarorni ijro etish doirasida vazirliklar va idoralarga afv etilgan shaxslarga oilasi va yaqinlari bag‘riga qaytish, ijtimoiy moslashuv, foydali mehnatga jalb qilish, sog‘lom turmush tarzini tanlash va jamiyatda munosib o‘rin egallashda yordam ko‘rsatish vazifasi yuklatilgan.

Manba: Azon.uz

 


Kiritilgan vaqti: 07/12/2019 10:46;   Ko‘rilganligi: 236
 
Material manzili: http://www.sammuslim.uz/oz/press/news/prezident-92-nafar-mahbusni-afv-etdi-ular-orasida-dindorlar-ham-bor
Chop etilgan vaqti: 15/08/2020 09:05
 
 
O‘qish uchun ushbu tugmani bosing