Viloyat hokimining sayyor qabuli o‘tkazilmoqda
Ayni paytda Samarqand pedagogika va xizmat ko‘rsatish kollejida viloyat hokimi Erkinjon Turdimov Samarqand shahri aholisi uchun sayyor qabul o‘tkazmoqda. Viloyatdagi barcha tashkilotlari rahbarlari qatorida viloyat bosh imom xatibi Z. Eshonqulov va Samarqand shahar bosh imom xatibi N. Islomov ham mazkur qabulda ishtirok etib, fuqarolar murojaatini ijobiy hal etishda faol harakat qilishmoqda.
O‘MI Samarqand viloyat vakilligi
Samarqandlik navbatdagi ziyoratchilar guruhi Umra safariga kuzatib qo‘yildi
Xabaringiz bor Umra ziyoratiga vatandoshlarimizning borishida cheklovlar bekor qilinib, endilikda umra safariga cheklanmagan miqdorda ziyoratchilar borishi mumkin bo‘lgan edi. Shunga binoan har o‘n kunda viloyatmizdan ziyoratchilar Umra safariga yo‘l olmoqdalar. Bugun, 10 dekab kuni Samarqand viloyatidan navbatdagi 4 ta guruhda 196 nafar ziyoratchilar Umra safariga yo‘lga chiqdi. Ushbu guruhlarga tajribali, ilmli imom-xatiblardan iborat guruh rahbarlari boshchilik qilmoqda. Viloyatmizning barcha tumanlaridan ziyoratchilar kunning avvalida viloyat vakilligi binosiga yig‘ildiilar. Shundan so‘ng safaroldi xayrlashuvi va duolar qilinib, muborak safarga kuzatib qo‘yildi.
Umra ziyoratida ulkan ajru savoblar bor. Baytullohning atrofida tavof qilib aylanar ekan ularning har bir qadamiga bir hasana yozilib, bittadan gunohlari o‘chirib boriladi. Abdulloh ibn Umar roziyallohu anhu Payg‘ambarimiz alayhissalomdan rivoyat qilgan, ul zot aytganlar:
“Kimki Baytullohni tavof qilar ekan bir oyog‘ini yerdan ko‘tarib, ikkinchisini yerga qo‘ygunicha Alloh unga bir hasana yozadi, bitta gunohini o‘chiradi va darajasini bir pog‘onaga oshiraveradi” (Imom Ahmad).
Allohim, barcha yaxshi niyat bilan safarga otlangan va umra ibodatlarini ado etib qaytayotgan yurtdoshlarimizning ibodatlarini qabul qilsin!
Otinoyilarning navbatdagi malaka oshirish o‘quvlari viloyat vakilligi binosida boshlandi
Oldin xabar berganimizdek O‘zbekiston xalqaro islom akademiyasi huzuridagi Malaka oshirish markazining Samarqand viloyati mintaqaviy filiali tomonidan otinoylar uchun tashkil etilgan o‘quv kursi Samarqand kompyuter texnologiyalari va gidromelioratsiya kolleji binosida olib borilayotgan edi. O‘quv mashg‘ulotlari 2019 yil 16 sentyabrdan boshlangan bo‘lib, har bir guruh 2 hafta mobaynida 72 soatlik mashg‘ulotlarda ishtirok etib kelmoqda.
Prezident 92 nafar mahbusni afv etdi. Ular orasida dindorlar ham bor
O‘zbekiston Respublikasi Prezidenti Sh.Mirziyoev qilmishidan chin yurakdan pushaymon bo‘lgan va tuzalish yo‘liga qat'iy o‘tgan ozodlikdan mahrum qilish jazosini o‘tayogan insonlar guruhini afv etish haqidagi farmonni imzoladi. Bu haqda Kun.uz xabar tarqatdi.
Toshkent shahridan kelgan imom-xatiblar Samarqand viloyatidagi masjidlarda Juma namozlarini ado etib berdilar
Yurtimizda barcha jabhalarda islohotlar olib borilayotganiga guvoh bo‘lib turibmiz. Jumladan, diniy sohada ham ko‘plab ijobiy o‘zgarishlar bo‘layotgani barchamizni xursand qilmoqda. Ushbu kunlarimizga shukronalik keltirish, tinchlik va xotirjamlikning qadriga yetish, olib borilayotgan islohotlarning asl mohiyatini tushinib yetish borasida suhbat qilish uchun Mamlakatimizning taniqli ulamolari, tajribali imom-xatiblar chekka hududlardagi masjidlarda juma namozlarini o‘qib, ma'ruza bilan ishtirok etishlari an'ana bilan davom etib kelmoqda.
Muftiy hazratlari Urganchdagi madrasaning yangi binosi loyihasi bilan tanishdilar
O‘zbekiston musulmonlari idorasi raisi, muftiy Usmonxon Alimov hazratlari va Din ishlari bo‘yicha qo‘mita raisi Abdug‘ofur Ahmedov Xorazm viloyatiga safarlari davomida Urganch shahridagi “Imom Faxriddin ar-Roziy” o‘rta maxsus islom bilim yurti faoliyati bilan tanishib, ustoz va talabalar bilan muloqot qildilar.
Muftiy hazratlari boshchiliklaridagi avval ushbu madrasa uchun ajratilgan yangi binoning ta'mirlash loyihasi bilan yaqindan tanishdilar va o‘zlarining muhim tavsiyalarini berdilar.
Tashrif doirasida barcha mudarris va talabalar bilan muftiy hazratlari suhbat o‘tkazib, Haq taoloning bergan ne'matlariga shukr qilish, yurtimizdagi tinchlik va osoyishtalikning qadriga yetish, diniy va dunyoviy ilmlarni mustahkam egallash, kelgusida xalqimiz va dinimiz rivojiga munosib hissa qo‘shish zarurligini ta'kidladilar.
Ayniqsa bugungi kunda din nomidan jinoyat qilayotgan toifalarga qarshi kurashish uchun zarur ilmlarni puxta o‘rganish va ularning noto‘g‘ri da'volarida raddiya berish qobiliyatiga ega bo‘lish eng dolzarb vazifalardan ekanini alohida qayd etdilar.
Uchrashuvda “Vaqf” xayriya jamoat fondi tomonidan ustoz va talabalarga Qur'oni karim kitoblari tuhfa etildi.
Aviahalokatga uchragan oilalarning yaqinlariga ta'ziya izhor etildi
Kanadaning Ontario provinsiyasida yengil samolyotning halokatga uchrashi oqibatida yetti kishi halok bo‘lgan edi. Asli O‘zbekistonlik, AQSHning Texas shtatida istiqomat qiluvchi Otabek Obloqulov Ontarioning Kingston shahri atrofida Piper PA-32 samolyotini boshqarib ketayotganida halokatga uchragan. Samolyot Ontarioning Markxem shahridan Kvebek provinsiyasining Kvebek shahri tomon harakatlanayotgan bo‘lgan. Samolyotda Obloqulovning turmush o‘rtog‘i va 3, 11 va 15 yoshli farzandlari bo‘lgan. Bundan tashqari bortda Kanadaning Toronto shahrida doimiy istiqomat qiluvchi, asli O‘zbekistondan bo‘lgan Bobomurod Nabiyev va uning turmush o‘rtog‘i ham bo‘lgan.
Rustam Emomali boshchiligidagi delegatsiya Samarqandda
Dushanbe shahri raisi Rustam Emomali boshchiligidagi delegatsiya O‘zbekistonda bo‘lib turibdi. Bugun mehmonlar Samarqand shahriga tashrif buyurib, tabarruk ziyoratgoh va tarixiy obidalrni ziyorat qildi. Jumladan, Dushanbe shahri raisi Rustam Emomali Samarqand viloyati hokimi Erkinjon Turdimov va Toshkent shahri hokimi Jahongir Ortiqxo‘jayev hamrohligida Hazrati Xizr majmuasiga tashrif buyurib, Birinchi Prezidentimiz Islom Karimov xotirasiga hurmat bajo keltirdi. Qur'on tilovat qilindi.
Bundan tashqari mehmonlar Imom Buxoriy majmuasida ham bo‘ldilar. U yerda Imom Buxoriy hazratlarining ravzalari ziyorat qilindi. Shundan so‘ng mehmonlar Imom Buxoriy xalqaro ilmiy-tadqiqot markaziga tashrif buyurdi.
Mehmonlar markaz muzeyida bo‘ldilar. Markaz rahbariyati va ilmiy xodimlari bilan suhbatda O‘zbekiston bilan Tojikiston o‘rtasidagi do‘stlik va yaxshi qo‘shnilik munosabatlari keyingi yillarda izchil rivojlanib borayotgani mamnuniyat bilan tilga olindi. Martabali mehmonlarning ziyorat va tashrifi davomida Samarqand viloyat bosh imom-xatibi Z.Eshonqulov ularga hamrohlik qildi.
“...Jannatda o‘zinga bir manzil tayyorlading”
Alloh taolo insoniyatni behisob ne'matlar bilan silagan. Ular orasida inson uchun eng beboholaridan ikkitasi sihat salomatlik va hotirjamlikdir. Alloh taolo ba'zi bandasiga bemorlik dardini beradi. Mana shunday hollarda mo‘min musulmonlar o‘rtalarida mehr-muruvvat, o‘zaro hamjihatlik ziyoda bo‘lishi uchun bir-biridan xabar olib turmog‘i lozim. Barcha ezgu amallar kabi bemorni ziyorat qilishni ham astoydil, ixlos bilan ado etish lozim. Bu haqda Payg‘ambarimiz (s.a.v) shunday marhamat qilganlar: “Bir odam bemor kishini nafaqat Alloh taolo roziligi uchun ko‘rishga borsa, Alloh taolo u haqda shunday deydi: “Juda yaxshi qilding. Borishing ham chiroyli bo‘ldi. Jannatda o‘zinga bir manzil tayyorlading”.
Xalqaro nogironlar kuni munosabati bilan xayriya tadbirlari o‘tkazilmoqda
Bugungi kunda butun dunyo aholisining 1 milliarddan ortig‘ida, ya'ni yettita kishidan kamida bittasida muayyan bir turdagi nogironlik mavjud bo‘lib, barcha nogironlarning 100 milliondan ortig‘ini bolalar tashkil etadi. Mamlakatimizda nogironligi bo‘lgan shaxslarning manfaatlarini himoya qilish, ularni jamiyatimizning to‘laqonli a'zosi ekanliklarini ko‘rsatish maqsadida turli tadbir va islohotlar amalga oshirilmoqda.
Har-bir yaxshilik besamar qolmaydi
Muqaddas dinimiz – islom dinida inson, shaxs manfaati eng birinchi o‘ringa qo‘yiladi. Qur'oni karimning bir qator o‘rinlarida, bu umuminsoniy yuksak qadriyat alohida ta'kidlangan. Islom inson uchun lozim bo‘lgan ma'naviy va moddiy manfaatlar uyg‘unligini o‘zida mujassam eta olgan dindir.
“Sobit tur, ey Uhud! Sening ustingda Nabiy, Siddiq va ikki shahid turibdi”
Uhud tog‘i Madinaning shimoliy tarafida joylashgan muborak bir tog‘dir. Tog‘ning uzunligi 7 kilometr, kengligi 2-3 kilometr, balandligi esa 350 metrga yaqin. Tog‘ Madinai Munavvaradan taxminan 4-5 kilometr uzoqlikda joylashgan. Uhud tog‘ida bir necha g‘or va daralar mavjud bo‘lib, ba'zi g‘orlarning balandligi bir yarim metrni, uzunligi esa o‘n metrni tashkil etadi.
Mehrga tashna qalbga bir shirin so‘z ham aziz
Ma'lumki, dinimiz Islom rahmat dinidir. U mehr-muruvvatga, ezgulikka chorlaydi, rahmdillikni tarannum etadi. Ko‘plab oyati karimalar va hadisi shariflarda Allohning bandalariga nisbatan rahmli, marhamatli bo‘lishga targ‘ib etilgan. Agar ushbu dinning jonli timsoli bo‘lmish payg‘ambarimiz Muhammad (alayhissalom)ning siyratlariga, yurish-turishlariga ibrat nazari bilan qaraydigan bo‘lsak, qilgan ishlari va aytgan so‘zlari ustida tafakkur yuritsak, rahmat bu dinning mohiyati ekanligiga amin bo‘lamiz. Alloh taolo ushbu dinni insoniyatga olib kelgan zot haqida bejiz: “Batahqiq, Biz Seni olamlarga faqat rahmat qilib yuborganmiz!” (Anbiyo: 107) deya marhamat qilmagan.
Viloyat bosh imom-xatibi olisda joylashgan masjidlarda bo‘ldi
Chegara hudud va markazdan olisda joylashgan masjidlar bilan tanishish maqsadida viloyat bosh imom-xatibi Z.Eshonqulov Urgut tumanida bo‘ldi. Viloyat bosh imom-xatibi safar davomida “Quyiqishloq” jome masjidida bo‘lib, masjidning bugungi holati, namozxonlar uchun hozirlangan sharoit, qishgi mavsumga tayyorgarlik ishlari bilan tanishdi. Masjid qavmi bilan suhbatlashib, Allohga shukronalik keltirish, yoshlar tarbiyasi, oilalarning mustahkamligi borasida suhbatlashdi.
Shundan so‘ng yangidan bino qilinayotgan “Boybul” masjidiga tashrif buyurib, u joyda olib borilayotgan qurilish ishlari bilan tanishdi. Masjid shaharsozlik me'yorlari va qoidalariga muvofiq zamonaviy loyihaga asosan qurilmoqda. Qurilish ishlari 2017 yil boshlangan. Hozir masjid binosi to‘liq qad rostlagan. Uning tom qismi yopilgan bo‘lib, gumbazlar o‘rnatilgan.
Viloyat bosh imom-xatibiga ushbu safar davomida Urgut tuman bosh imom-xatibi Sh.Haqberdiyev hamrohlik qildi.
Samarqandlik ziyoratchilar Umra safariga kuzatib qo‘yildi
Oldin xabar berganimizdek, Umra safarining yangi mavsumi boshlangan edi. Bugun, 30 noyabr kuni Samarqand viloyatidan 229 nafar ziyoratchilarning ikkinchi bosqich guruhlarini viloyat vakilligida kuzatish marosimi bo‘lib o‘tdi. Unda Samarqand viloyat bosh imom-xatibi Z.Eshonqulov, hokimliklarning mas'ul vakillari hamda ziyoratga boruvchilarning yaqinlari ishtirok etdi. Samarqand viloyat bosh imom-xatibi Z.Eshonqulov Umra safarining tartib qoidalari, safar intizomi haqida tushunchalar berib, ziyoratlari maqbul, mabrur va bexatar bo‘lishini so‘rab duoi xayrlar qildi. Ziyoratchilar bugunning o‘zidayoq Toshkent-Jidda yo‘nalishi bo‘ylab Saudiya Arabistoniga parvoz qiladilar.
Ushbu guruhdan oldin Umra safariga ketgan ziyoratchilarimiz muborak Makka shahrida ziyoratlarini ado etmoqdalar. Eslatib o‘tamiz, ular ertaga, 1 dekabr kuni Toshkent shahriga uchib keladilar.
