Маданият

Biz ham borarmizmi Ka'batullohga?

Muborak safarga borib kelganlar,

Biz ham borarmizmi Ka'batullohga?

Zam-zam bulog‘idan qonib kelganlar,

Biz ham borarmizmi Ka'batullohga?

Yer yuzida qancha mo‘min musulmon,

Saflanar muqaddas qiblasi tomon,

Alloh nasib etsa bo‘lsak sog‘-omon,

Biz ham borarmizmi, Ka'batullohga?

Makka-yu Madina ziyoratgohdur,

Gunohni kechiruvchi yolg‘iz Allohdur,

Shafoatgohimiz Rasulullohdur.

Ta'magirlik qilmay bir xoru xasdan,

Umrning gulzori xazon bo‘lmasdan,

Ko‘zlar kosasiga tuproq to‘lmasdan,

Biz ham borarmizmi, Ka'batullohga?

Biz ham borarmizmi, Ka'batullohga?

 

M u r o j a a t (Yolg‘on va'dalarga uchmoqqa tayyor ayrim yoshlarga)

Yo‘l-ayro, turibsan ovora, sarson,               

Qay birin tanlashga, balki, sen hayron?!

Fikr qilgin, shoshilma, borida imkon,

Ko‘zing och, birodar, ortingga bir boq!

 

            Yolg‘on va'dalarga uchmagin zinhor,

            Begona yurtlarda bo‘lajaksan xor.

            Shundayin bir Vatan, aytgin, qayda bor?!

            Ko‘zing och, birodar, ortingga bir boq!

 

Mudhish jar ustida turibsan, inon,

Befoyda, deydilar, so‘nggi po‘shaymon,

Og‘a-ining senga bo‘lmasin dushman,

Ko‘zing och, birodar, ortinga bir boq!

 

           Bu yerda otang bor, hamda volidang,

           Muz qotgan tosh kabi qotmasin diydang.

           Tubsiz chohga tushib demagil “attang”,

            Ko‘zing och, birodar, ortingga bir boq!

 

Dunyoga nazar sol, qaylardir vayron,

Goh huda-behuda to‘kilmoqda qon.

Nahot shundoq bo‘lsin bizning xonadon...

Ko‘zing och, birodar,ortinga bir boq!

 

           Unutma, sen-elning bitta farzandi,

           Ko‘zi yosh onaning asali, qandi.

           Sen tug‘ilgan uyning bormi monandi?!

           Ko‘zing och, birodar,ortingga bir boq!

 

Zahmatkash zamin bu, to‘ralar bo‘lgan,

Bir da'vatga minglab “ura”lar bo‘lgan,

Jigar-kabob, tana-quralar bo‘lgan,

Ko‘zing och, birodar,ortinga bir boq!

 

          Islom, deb Islomni Yaratgan berdi,

          O‘zbekning o‘zligin qaytadan berdi.

          Ba'zan qiyin kunni ataydan berdi,

          Ko‘zing och, birodar,ortingga bir boq!

         

  Ming shukrkim, farovon kunlarga yetdik,

  Bobolar orzusin ruyobin etdik.

  Nurli bir istiqlol yo‘lidan ketdik.

  Ko‘zing och, birodar, ortinga bir boq!

 

          Hayot o‘tkinchidir, bo‘lmaymiz ustun,

          Bizdan Vatan qolsin mustaqil, gulgun.

          Minnatdor odamlar desin o‘shal kun:

          Ko‘zing och, birodar,ortinga bir boq!

 

Unutma, Iymon yaxshi...!

Harom issiq har oshdan,

Halol qattiq non yaxshi.

Vafosiz qalam qoshdan,

Yorsiz o‘tgan on yaxshi!

 

Hasad qilma havas qil,

Yomon so‘zdan tiygin til.

Qalbi qarolardan, bil,

Yerda unmas don yaxshi!

 

Qo‘lingda bo‘lsa hunar,

Nasibang oson unar.

Yutug‘ingdan quvonar,

Bitta mehribon yaxshi!

 

Safar yursang gar uzoq,

Do‘sting tojik yo qozoq.

Rishta bog‘lab mahkamroq

Yurgani karvon yaxshi!

 

Yetimlarni urganlar,

Jigardan yuz burganlar.

Shaytonni do‘st bilganlar,

Sizlardan tilsiz hayvon yaxshi!

 

Qor ketib kelar bahor,

Har umrning so‘ngi bor.

Barchamiz bir gunohkor,

Tavbayu-istigfor yaxshi!

 

Bo‘lsin desang yo‘lim oq,

Chin inson bo‘l, xalol, pok.

Qiyomatda bor so‘roq,

Unutma Iymon yaxshi...!

 

Rasululloh tushimga kirsa

Ko‘z yoshimga cho‘milar edim,

Rasululloh tushimga kirsa.

Saodatga ko‘milar edim,

Rasululloh tushimga kirsa.

Mayli yig‘lab bo‘lsam ham ado,

Diydoriga bo‘lsin jon fido.

Alloh meni siylab mabodo,

Rasululloh tushimga kirsa.

 

Men bandai ojiz qulini,

Yengil qilsa dard mushkulini.

Yig‘lar edim ushlab qo‘lini,

Rasululloh tushimga kirsa.

 

Yo‘q men oyoqlarin quchardim,

Shodligimdan ko‘kka uchardim.

Roziman borimdan kechardim,

Rasululloh tushimga kirsa,

 

Bir chetida o‘sha davrani,

Ostonasin o‘psam Ka'bani.

Suhbatini tinglasam qani,

Rasululloh tushimga kirsa.

 

Duolarim takroru takror,

Umidimni uzmasman zinhor.

Uzoqlardan bo‘lsa xam bir bor,

Rasululloh tushimga kirsa.

 

Titratadi hatto shu tilak,

Diydoridan kelsa gar darak.

Bitta joyda tosh qotsam kerak,

Rasululloh tushimga kirsa.

Jahongirxon Bahodirxon o‘g‘li - O‘MI Samarqand viloyat vakilligi matbuot xizmati xodimi

 

Bersa Xudo bersin...

Molu mulk bevafo sohibiga ham,

Sulaymon davlati ko‘rinadi kam.

Shukr qil Yaratgan bermasidan g‘am,

Bersa Xudo bersin, boshqasi bekor.

 

SIZNI KO‘RGIM KELDI Yo RASULALLOH

Makka-yu Madina ko‘chalarida,

Sizni ko‘rgim keldi yo Rasulalloh.

Rabi'ul avvalning kechalarida,

Sizni ko‘rgim keldi yo Rasulalloh.

 

Eh, bugun yana bomdodga men turolmadim

Azon aytsa Muazzinlar uxlamasdan,

Bizni o‘ylab o‘zlarini o‘ylamasdan.

Men bo‘lsachi, yotaverdim uyalmasdan,

Eh, bugun yana bomdodga men turolmadim.

 

Ayyom muborak

Quyosh chiqdi, borliq nurafshon,

Yeru-samo nurlarga to‘lsin.

Bugun juma, qadrli inson,

Ayyomingiz muborak bo‘lsin.

 

Hayot shunday yaralgan!

Kim boyvachcha kim g‘arib,

Kimlar olisga ketgan,

O‘z baxtini axtarib.

Kim nochoru kim bemor,

Davo istar dardi bor.

 

Erta tongdan ezgu tilak

Bu kun tiladim baxtu-saodat,

Alloh ato etsin tinchlik va omad.

Yana kuningizga fayz ato etsin,

Bu kun barchangizga xayrli bo‘lsin!

 
 
 
O‘qish uchun ushbu tugmani bosing