Қуёш чиқди, борлиқ нурафшон,

Еру-само нурларга тўлсин.

Бугун жума, қадрли инсон,

Айёмингиз муборак бўлсин.

Қилиб барча гўзал тилаклар,

Ҳар ким эзгу тилакка етсин.

Амийн десин кўкда малаклар,

Айёмингиз муборак бўлсин.

Каҳф сурасин ўқиган инсон,

Фитналардан омонда бўлсин.

Бугун жума эй аҳли Қуръон,

Айёмингиз муборак бўлсин.

Расулимиз ул Муҳаммадга,

Чексиз солат , саломлар бўлсин.

Табрик сўзим айтай умматга, 

Айёмингиз муборак бўлсин.

Икки ракъат жума намозин,

Адо этмоқ муяссар бўлсин.

Тингланг бугун қалбим овозин,

Айёмингиз муборак бўлсин.

Ҳамду-сано айтиб эгамга,

Лаблар титраб, кўзлар нам бўлсин.

Табрик сўзим барча оламга,

Айёмингиз муборак бўлсин.

Саломла қутла аҳли исломни,

Қутловингдан кўнгиллар  тўлсин.

Ва йўллагин ушбу каломни,

Айёмингиз муборак бўлсин.